"ვახტანგი მომაკვადვი დავტოვე... მაიას დაპატიმრებით დამაპატიმრეს მე, ჩემი დაპატიმრება ჩემთვის არაფერი იყო იმასთან შედარებით" - რუსუდან კერვალიშვილი

"ცენტრ პოინტის“ ერთ-ერთმა დამფუძნებელმა, რუსუდან კერვალიშვილმა "ფორმულას" ეთერში, გადაცემაში "ბაიასთან", ის ურთულესი პერიოდი გაიხსენა, როდესაც დააპატიმრეს და მომაკვდავი სიძის, ვახტანგ რჩეულიშვილის დატოვება მოუწია.

"ეს იყო იმ პერიოდში ყველაზე დიდი ბედნიერება, რომ მომეცა საშუალება, მაიასთან გამეზიარებინა ის, რაც ჩემი მისია იყო... ჩვენ ერთად ვიყავით და ერთად უნდა ვყოფილიყავით. ჩემი გარეთ ყოფნა, ცხრა თვე, ვიდრე მაია ციხეში იყო, ძალიან დიდი ტანჯვა იყო, იმ დროს არ ვფიქრობდი ციხეზე, ეს ჩემთვის იყო საშუალება იმისა, რომ მაიას გვერდით ამოვდგომოდი. როცა ვახტანგი კვდებოდა... მე დავტოვე მომაკვდავი რეანიმაციაში. ამიტომ ციხეში შესვლის ჩემი მისია იყო ის, რომ მაიასთან ერთად ვყოფილიყავი. მე მაიას დაპატიმრებით დამაპატიმრეს, ჩემი დაპატიმრება ჩემთვის არაფერი იყო იმასთან შედარებით."