19
ივნისიდღის ზოგადი ასტროლოგიური პროგნოზი
მთავრობის განკარგულებაში ცვლილებების მიხედვით, პირები, რომლებსაც უკანასკნელი 14 დღის განმავლობაში ინდოეთის რესპუბლიკაში მოგზაურობის ისტორია აქვთ, საქართველოში შემოსვლის შემთხვევაში 14-დღიან კარანტინს გაივლიან.
ამასთან, ცვლილების მიხედვით კარანტინს აღარ დაექვემდებარებიან ისინი, ვინც უკანასკნელი 14 დღის განმავლობაში დიდი ბრიტანეთისა და ჩრდილოეთ ირლანდიის გაერთიანებულ სამეფოში იმყოფებოდნენ.
როგორც „საქართველოში ახალი კორონავირუსის შესაძლო გავრცელების აღკვეთის ღონისძიებებისა და ახალი კორონავირუსით გამოწვეული დაავადების შემთხვევებზე ოპერატიული რეაგირების გეგმის დამტკიცების შესახებ“ განკარგულებაში წერია, გარდა ინდოეთში მოგზაურობის ისტორიის მქონე პირებისა, ევროკავშირის და კიდევ რამდენიმე ქვეყნის მოქალაქეებმა საქართველოს საზღვარზე კვლავ უკანასკნელი 72 საათის განმავლობაში ჩატარებული PCR კვლევის დამადასტურებელი დოკუმენტი უნდა წარადგინონ, ხოლო საზღვრის კვეთიდან მე-3 დღეს უზრუნველყონ საკუთარი ხარჯით PCR კვლევის ჩატარება.
განკარგულება ძალაში 23 აპრილს შევიდა.
შეგახსენებთ, რომ გასული წლის 28 იანვარს მიღებული განკარგულების მიხედვით, აღნიშნული პირობები ვრცელდება ევროკავშირის წევრი სახელმწიფოების, ისრაელის სახელმწიფოს, თურქეთის რესპუბლიკის, შვეიცარიის კონფედერაციის, ნორვეგიის სამეფოს, აშშ-ის, დიდი ბრიტანეთისა და ჩრდილოეთ ირლანდიის გაერთიანებული სამეფოს, საუდის არაბეთის სამეფოს, კატარის სახელმწიფოს, არაბთა გაერთიანებული საამიროების, ბაჰრეინის სამეფოს, სომხეთის რესპუბლიკის, აზერბაიჯანის რესპუბლიკის, უკრაინის, ყაზახეთის რესპუბლიკის, უზბეკეთის რესპუბლიკის, ტაჯიკეთის რესპუბლიკის, ყირგიზეთის რესპუბლიკის, თურქმენეთის, რუსეთის ფედერაციისა და ბელარუსის რესპუბლიკის მოქალაქეებსა და ამავე ქვეყნების ბინადრობის (ცხოვრების) უფლების მქონე პირებზე, რომლებიც საქართველოში მოემგზავრებიან ამავე ქვეყნებიდან.
როდემდე ეს სიგიჟე?
ჩემმა რძალამ ერთი კვირაა რაც მოიხადა კოვიდი და შვილი პატარაა, ეძლევა ალბათ აქ შემოსვლის უფლება თუ არა.