თუ ოპერაცია დროულად არ ჩატარდა, თომამ შეიძლება ვეღარ გაიაროს - 3 წლის ბიჭუნას დახმარება სჭირდება

3 წლის თომას უკვირს, როცა მშობლები სირბილს უშლიან. დედ-მამა უხსნის, რომ ერთხელაც, ექიმები დააძინებენ, მალე გაიღვიძებს და შემდეგ შეეძლება რამდენიც უნდა ირბინოს და ითამაშოს... თუმცა, მანამდე მან და მისმა მშობლებმა, საზოგადოების დახმარებით, თომას ჯანმრთელი მომავლისთვის ერთი დიდი და მძიმე ნაბიჯი უნდა გადადგან.

მაიკო გამახარია, თომას დედა:

- თომას დაბადებისთანავე, სამშობიაროს პედიატრმა შეამჩნია ტერფზე პრობლემა - ფეხის თითები მოხრილი ჰქონდა, გვითხრეს, - მასაჟი დასჭირდება, მეტი არაფერიო. სამი თვის რომ გახდა, ორთოპედმა სპეციალური ფეხსაცმელი გამოუწერა, რომელიც იქამდე ეცვა, ვიდრე წელიწადნახევრის არ გახდა. პირველი ნაბიჯებიც თავისუფლად გაიარა, თუმცა, ორთოპედთან დაგვყავდა, მასაჟები და ვარჯიშიც არ შეგვიწყვეტია.

ორი წლის რომ გახდა, შევამჩნიეთ, რომ გარდა იმისა, მარცხენა ფეხი შიგნით შეჰქონდა, კოჭლობაც დაიწყო, ითრევდა და დაუწვრილდა, ანუ ისე ვერ ვითარდებოდა, როგორც მარჯვენა. ექიმმა რომ ნახა, ხერხემალზე ტომოგრაფია გადაუღო და ნეიროქირურგთან გაგვიშვა. სხვადასხვა სახის კვლევა ჩავუტარეთ და აღმოჩნდა, რომ თომას ხერხემლის დაავადება სპინა ფიბიდა ჰქონდა. მაშინ პირველად გავიგე ამ დაავადების შესახებ... ხერხემლის მალები არასწორად არის განვითარებული და სხეული იმ ფეხზე აწვება, რომელიც აწუხებს. ექიმმა, ოპერაციისთვის ჯერ პატარა არისო და ისევ ვარჯიში, მასაჟი და ურეკის ქვიშა გამოუწერა...

- შედეგი არ იყო?

- არაფერი, ფეხი კიდევ უფრო დაუწვრილდა და უფრო მეტად ითრევდა. ბავშვის მონაცემები თურქეთში, სტამბოლში არსებულ "მედიკალ პარკში" გავგზავნეთ. პასუხი მოგვივიდა, - ბავშვი სასწრაფოდ საოპერაციოა, ზრდასა და ასაკის მატებასთან ერთად, ხერხემალი თუ უფრო გაუმრუდდება, რაც ქვედა კიდურების მოწყვეტას გამოიწვევს და ვეღარ გაივლისო. მხრებში რომ თანდათან იხრება, თვალსაჩინოა. მაქსიმუმ თვენახევარი მოგვცეს დრო, წინასაოპერაციო გამოკვლევები და ქირურგიული ჩარევა, 12 ათასი დოლარი ღირს...

პატარა თომას ოჯახს საზოგადოების დახმარების იმედი აქვს, მისთვის 1 ლარიც მნიშვნელოვანია, რათა საკმარისი თანხა შეგროვდეს და ბავშვმა სრულფასოვანი ცხოვრება შეძლოს.

მიმღების ანგარიში:

საქართველის ბანკი: GE81BG0000000752194000

თი-ბი-სი ბანკი: GE86TB7373345061600008

ლიბერთი ბანკი GE02LB0211111704816000

მიმღები: კახა გამახარია.