17
მაისიდღის ზოგადი ასტროლოგიური პროგნოზი
აეროზოლების კვლევის საზოგადოების [GAeF] მეცნიერები აცხადებენ, რომ ქუჩაში კოვიდით ინფიცირების რისკი მინიმალურია. გერმანელი მეცნიერები მიიჩნევენ, რომ სუფთა ჰაერზე გასეირნება კოვიდით მასობრივ ინფიცირებას არ იწვევს.
ინფექციური საავადმყოფოს ინფექციონისტი ალექსანდრე გოგინავა იზიარებს უცხოელი სპეციალისტების მოსაზრებებს და მიიჩნევს, რომ ღია სივრცეში კორონავირუსით ინფიცირების რისკი უმნიშვნელოდ დაბალია.
"მიუხედავად იმისა, რომ ჯერ კიდევ ბევრი რამე არ არის დადგენილი ვირუსის გავრცელების გზებზე, რაც აქამდე კვლევები არსებობს, ამბობს, რომ covid-19 წვეთოვანი ინფექცია უფროა, ვიდრე ჰაერწვეთოვანი. ამიტომ ღია სივრცეში, სადაც დისტანცია დაცულია, ინფიცირების რისკები ძალიან დაბალია. იმ შემთხვევაში თუ ხალხის მჭიდრო თავშეყრა ხდება და დისტანციის დაცვა შეუძლებელია, საჭიროა პირბადის ტარება, სხვა შემთხვევაში პირბადე არ არის საჭირო ღია სივრცეში და უკეთესიცაა თუ არ ვატარებთ" - ამბობს ინფექციონისტი.
ალექსანდრე გოგინავას ვკითხეთ აზრი სოციალურ ქსელში გავრცელებულ ინფორმაციასთან დაკავშირებით, რომლის მიხედვითაც ზოგიერთი ჯგუფის ვიტამინის მოხმარების შემთხვევაში კორონავირუსზე ტესტი დადებითს აჩვენებს. ინფექციონისტი ამბობს, რომ ამის შესახებ არ სმენია. მისი თქმით, სწრაფი და PCR ტესტები ცდომილების შემთხვევაში ძირითადად უარყოფითს აჩვენებს, ვიდრე დადებითს.
"ზოგადად იშვიათად იძლევა ეს ტესტები ცრუ პასუხებს. და თუ ცდება, უარყოფითს აჩვენებს უმრავლეს შემთხვევაში. ცრუ დადებითი უიშვიათესია. რაც შეეხება რომელიმე მედიკამენტის პროვოცირებით მცდარი პასუხის ფაქტებს, ასეთი რამ არ მსმენია" -ამბობს ალექსანდრე გოგინავა.
ღია სივრცეში პირბადით ადამიანების იძულებით გადაადგილება არის კრიმინალი და ამაზე უნდა აგონ პასუხი უმკაცრესად!
მეც არ მესმის, რატომ უნდა ვიარო თითქმის უკაცრიელ ქუჩაზე პირბადით ისედაც უჟანგბადო ქალაქში? ხომ შეიძლება თვითონ ვმართო-როდის მჭირდება (ხალხმრავლობისა და ახლო კონტაქტისას) და როდის არაა საფრთხე.ლენა