მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
ხუთშაბათი, მთვარის ოცდამეხუთე დღე დაიწყება 03:21-ზე, მთვარე ვერძს ესტუმრება 20:21-ზე – ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა თავი. ამიტომ მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ოპოზიცია დღეიდან რეგიონებში გასვლით შეხვედრებს იწყებს - როგორია ლიდერების სამოქმედო გეგმა 15 მაისის აქციასთან დაკავშირებით
16:24 / 15-04-2021
ოპოზიციური პოლიტიკური პარტიების წარმომადგენლები რეგიონებში გასვლით შეხვედრებს იწყებენ. 15 მაისს დაანონსებულ აქციასთან დაკავშირებით, პირველი შეხვედრა, დღეს 15 აპრილს კახეთში იმართება.
დილიდან ოპოზიციონერი პოლიტიკოსები რესპუბლიკის მოედანზე შეიკრიბნენ და თელავისკენ გაემართნენ. შეხვედრები იმართება, როგორც თელავში ასევე, მუნიციპალიტეტის სოფლებში.
ოპოზიცია, 15 მაისს, რუსთაველის გამზირზე საპროტესტო აქციას გამართავს. აქცია ოპოზიციურმა პარტიებმა 20 მარტს დააანონსეს და განაცხადეს, რომ მუშაობის საგანგებო რეჟიმზე გადადიან.
ოპოზიციონერი ლიდერის, გიგი უგულავას განცხადებით, 15 მაისის აქცია მოქალაქეებისთვის იქნება შესაძლებლობა, საკუთარი ბრაზი და პროტესტი გამოხატოს.
როგორც უგულავამ დაგეგმილ აქციასთან დაკავშირებით რეგიონში გასვლების შესახებ საუბრისას ჟურნალისტებს განუცხადა, ოპოზიციის წარმომადგენლები შეხვდებიან და მოუსმენენ ამომრჩევლებს. მისივე თქმით, 15 მაისი უმნიშვნელოვანესი თარიღი იქნება.
„15 მაისი მიმდინარე პოლიტიკურ მოვლენებში უმნიშვნელოვანესი თარიღია იმიტომ, რომ ეს იქნება ათიათასობით ადამიანისთვის შესაძლებლობა, გამოხატოს თავისი პროტესტი და ბრაზი. მთელი საქართველოს მასშტაბით ვაკვირდებით სხვადასხვა ინტენსივობით, სხვადასხვა თემაზე, პროტესტს, იმედგაცრუებულ გაბრაზებულ ადამიანებს. ამას შედეგი არ აქვს იმიტომ, რომ მათ ხელისუფლება მხოლოდ და მხოლოდ სპეცრაზმის საშუალებით ელაპარაკება. იჭერენ აქტივისტებს, სახლში, თავის მიწა-წყალზე არ უშვებენ ადამიანებს. შეუძლებელია, ეს დიდხანს გაგრძელდეს. ამიტომ მთელი საქართველოს მასშტაბით ჩვენ, პირველ რიგში, უნდა მოვუსმინოთ ჩვენს ამომრჩევლებს. ადამიანებს, რომელთაც ბრაზი აქვთ იმის გამო, რომ ქვეყანა, რომელსაც ამდენი რესურსი აქვს, მიდის უკან, იმის ნაცვლად, რომ წავიდეს წინ. ხელისუფლება უქმნის მათ ისეთ ილუზორულ განცდას, გეგონება საქართველოში სიტუაცია ყვაოდეს. ჩვენ შევხვდებით იმ ადამიანებს, ვისაც პროტესტი აქვთ. სწორედ ასეთი ადამიანები დადიან აქციაზე.
ჯერ ვემზადებით 15 მაისისთვის. ეს არის შესაძლებლობა თითოეული გაბრაზებული მოქალაქისთვის, რომ მოვიდეს და ბრაზი გამოხატოს. ამისთვის არის აუცილებელი, რომ შევიკრიბოთ და შევცვალოთ - შევიკრიბოთ და გავუშვათ. იმიტომ, რომ ვხედავთ, რომ ჩვენს ქვეყანასა და განვითარებას შორის არის ოლიგარქი ივანიშვილი, რომელიც ყველა მიმართულებით ჭრის განვითარების შესაძლებლობას. ეს იქნება მთავარი ლაიტმოტივი“, - განაცხადა უგულავამ.
„ნაციონალური მოძრაობის“ წევრის, გიორგი ბოტკოველის განცხადებით, ოპოზიციის ასეთ რეჟიმში მუშაობის პროცესი ყოველდღიურად გაგრძელდება, ვიდრე თითოეულ ადამიანს არ ეტყვიან იმას, თუ რამდენად მნიშვნელოვანია ყველას ერთად დგომა. მისი თქმით, 15 მაისი, როდესაც ოპოზიციის მიერ დაგეგმილი აქცია უნდა გაიმართოს, ერთად დგომის მაგალითი იქნება.
„მოვიდა დრო, რომ ნებისმიერმა ოპოზიციურმა პოლიტიკურმა ძალამ გვერდით გადადოს თავისი პარტიული კუთვნილება და ყველა ერთად დავდგეთ იმის გამო, რომ ეს ქვეყანა გადავარჩინოთ. კარგად ვხედავთ, რა ხდება ქვეყანაში. ივანიშვილმა გადაწყვიტა, რომ ბოლომდე გადაჩეხოს ეს ქვეყანა, მისი სურვილია ნებისმიერი სახელმწიფო სტრუქტურა, ხალხი მას მოემსახუროს და თვითონ არ იყოს მსახური. 15 მაისს ჩვენ ყველა ერთად დავდგებით და დავანახებთ ივანიშვილს და მსოფლიოს, რომ ხალხს არ უნდა ის, რაც დღეს ქვეყანაში ხდება“, - აცხადებს ბოტკოველი.
ოპოზიციის გეგმა არის ორკომპონენტიანი, ერთი არის საერთაშორისო პარტნიორებთან აქტიური მუშაობა და მეორე საპროტესტო აქციებით ივანიშვილზე ზეწოლა - როგორც არ უნდა წარიმართოს პროცესები, ბოლოს მაინც მოლაპარაკებების მაგიდა იქნება, - ამის შესახებ „ერთიანი საქართველოს" ერთ-ერთმა ლიდერმა ანზორ ბიწაძემ განაცხადა.
ბიწაძის თქმით, დათმობა შეიძლება იყოს მხოლოდ და მხოლოდ ორმხრივი, თუმცა ოპოზიცია თავის მხრივ, ვადამდელი არჩევნებისა და პოლიტპატიმრების საკითხს ვერ დათმობს.
„ერთი რაც ძალიან მნიშვნელოვანია, არის ის, რომ ერთიანობა არ ნიშნავს საერთო განცხადებების კეთებას, არამედ ნიშნავს ოპოზიციის ერთიან ქმედებას და ჩვენ გადავდივართ ამ რეჟიმში. პირველ რიგში, რა თქმა უნდა, შევხვდებით ჩვენს მხარდაჭერებს ჩასვლისთანავე, იმისათვის, რომ 15 მაისის ორგანიზება მოხდეს ძალიან კარგად და რაც შეიძლება ბევრი ადამიანი იქნეს წარმოდგენილი 15 მაისს.
ეს არ არის პარტიული ღონისძიება, 15 მაისს ჩვენ ვაკეთებთ არჩევანს სახელმწიფო დავუტოვოთ მიტაცებული ოლიგარქ ივანიშვილს თუ დავიბრუნოთ სახელმწიფო.
ყველას კარგად უნდა ესმოდეს, რომ ეს არ არის პარტიული ღონისძიება, ეს არის ძალიან სერიოზული საპროტესტო აქცია იმისათვის, რომ დავიბრუნოთ ქვეყანაში დემოკრატიული განვითარება, დავიბრუნოთ ზოგადად სახელმწიფო, დავასრულოთ პოლიტიკური დევნა და მივიდეთ ვადამდელ არჩევნებამდე, რომელიც კრიზისის განსამუხტად არის საჭირო.
ჩვენი გეგმა დარჩება უცვლელი. ჩვენი გეგმა არის ორ კომპონენტიანი - ერთი არის საერთაშორისო პარტნიორებთან აქტიური მუშაობა და მეორე საპროტესტო აქციებით ივანიშვილზე ზეწოლა, რომ მან გაიგოს, რომ კრიზისს სჭირდება განმუხტვა არჩევნების გზით. ოპოზიცია მოწოდებული იყო დიალოგისკენ, მაგრამ ნიკა მელიას პატიმრობაში დატოვებით „ქართულმა ოცნებამ" ხელი მოკიდა მოლაპარაკებების მაგიდას და ააყირავა, ამიტომ ერთადერთი ვის პასუხისმგებლობაზეც შეიძლება საუბარი, არის „ქართული ოცნება"“, - განაცხადა ბიწაძემ.
ფოტოები: გიორგი ნიკოლიშვილი
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქოცებიც თან წაიყვანეთ
პირველ სურათზე----კადრი ფილმიდან "შესანიშნავი შვიდეული"