რობერტ სტურუა ბესო ზანგურის შესახებ ნინუცა მაყაშვილის განცხადებებს ეხმაურება - რეჟისორის სკანდალური პოსტი და საზოგადოების უმწვავესი კომენტარები

რეჟისორი რობერტ სტურუა მსახიობ ბესო ზანგურის მხრიდან ფიზიკური ძალადობის შესახებ მისი ყოფილი მეუღლის, მსახიობ ნინუცა მაყაშვილის განცხადებებს სოციალურ ქსელში ეხმაურება.

"ვგრძნობდი, რომ ესენი ბოლშევიკები იყვნენ, ნეოკომუნისტები! და ქ ა ლ ე ბ მ ა 1937 წელი დაიწყეს! რ ე პ რ ე ს ი ე ბ ი!" - წერს რობერტ სტურუა.

რეჟისორის პოსტს მწვავე კომენტარებით ეხმაურებიან, ზოგიერთ მათგანს რობერტ სტურუა თავად პასუხობს. გთავაზობთ მიმოწერების ამსახველ "სქრინებს".

გადაცემა "ფარულ კონვერტში" ნინუცა მაყაშვილმა თქვა, რომ ყოფილ მეუღლესთან დაშორების მიზეზი ძალადობა იყო. როგორც მან აღნიშნა, ბესო ზანგური მას ფიზიკურადაც უსწორდებოდა და ამ ყველაფერს თავი გაქცევით დააღწია. ბესო ზანგურმა ყოფილი მეუღლის ბრალდებები უარყო და მას სასამართლოში ჩივილით დაემუქრა.