ფერფლით დაფარული სოფლები და ევაკუირებული მოსახლეობა - კარიბის ზღვაში მდებარე კუნძულზე უძველესი ვულკანი ამოიფრქვა

კარიბის ზღვაში მდებარე კუნძულ სენტ ვინსენტზე ერთ-ერთი უძველესი ვულკანი სუფრიერი ამოიფრქვა, რის გამოც ახლოს მდებარე სოფლებიდან ათასობით ადამიანის ევაკუაცია გახდა საჭირო. ერთ ძლიერ ამოფრქვევას შემდეგ მცირე ამოფრქვევები მოყვა. ამოფრქვევისას მიმდებარე ტერიტორიები ვულკანურმა ფერფლმა და კვამლმა დაფარა.

სეისმური კვლევების ცენტრში განმარტავენ, რომ ამგვარი აქტივობა შეიძლება კვირების ან თვეების განმავლობაში გაგრძელდეს და „ეს მხოლოდ დასაწყისია“.

<blockquote class="twitter-tweet"><p lang="en" dir="ltr">The La Soufrière volcano on the Caribbean island of St. Vincent erupted following a day of seismic activity that forced evacuations in the area.<br><br>It produced a plume of ash 20,000 feet high, according to officials. <a href="https://t.co/brSSjzv3CG">https://t.co/brSSjzv3CG</a> <a href="https://t.co/NJ1vFt4FZS">pic.twitter.com/NJ1vFt4FZS</a></p>&mdash; ABC News (@ABC) <a href="https://twitter.com/ABC/status/1380586822665928708?ref_src=twsrc%5Etfw">April 9, 2021</a></blockquote> <script async src="https://platform.twitter.com/widgets.js" charset="utf-8"></script>

ვულკანი ათწლეულების განმავლობაში მიძინებული იყო, თუმცა გააქტიურების ნიშნები გასული წლის დეკემბრიდან გამოავლინა. სენტ-ვინსენტსა და გრენადინებიში, რომლის მოსახლეობა 100 000-ს აღემატება, ვულკანური აქტივობა 1979 წლის შემდეგ არ დაფიქსირებულა. მაშინ ზარალი 100 მილიონ დოლარს შეადგენდა. 1902 წელს კი სუფრიერის ამოფრქვევას 1000-ზე მეტი ადამიანი ემსხვერპლა.