მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არაფერი არ გამიკეთებია, საჭიროდ არ ჩავთვალე" - მეგი ბაქრაძის საქმეზე ბრალდებული ექიმის ჩვენების დეტალები
12:15 / 08-04-2021
"რუსთავი 2" მეგი ბაქრაძის საქმეზე ერთ-ერთი ბრალდებული ექიმის, ვიოლეტა ინასარიძის ჩვენებას აქვეყნებს.
ახალციხის კლინიკა "იმედის" ექიმი ვიოლეტა ინასარიძე, რომელიც პირველ ჩვენებაში ირწმუნებოდა, რომ მან მეგი ბაქრაძეს აცრის შემდეგ, ადრენალინი გაუკეთა, გამოძიებისთვის მიცემულ შეცვლილ ჩვენებაში აღიარებს, რომ მას მეგი ბაქრაძისთვის მსგავსი სამედიცინო დახმარება სინამდვილეში არ გაუწევია.
"მე მეგონა, რომ უბრალო რეაქცია მისცა, ანუ რაღაც ალერგიული რეაქცია, იმიტომ, რომ ასეთი რაღაცა მინახია ძალიან ბევრი, ეს არის ჩვეულებრივი, შეიძლება ემოციურიც იყო, ემოციური ბავშვიც იყო და ჩავთვალე, რომ არ იყო საგანგაშო სიტუაცია", - განაცხადა ვიოლეტა ინასარიძემ.
გამომძიებლის კითხვაზე, უშუალოდ თქვენ რა მოიმოქმედეთ ამ დროს, ვიოლეტა ინასარიძე პასუხობს:
"პრინციპში არაფერი არ მიქნია, უბრალოდ, ვკითხე, როგორ იყო და საიმედო ადამიანს ჩავაბარე", - აღნიშნავს მედიკოსი შეცვლილ ჩვენებაში და იქვე ადასტურებს, რომ მას მეგი ბაქრაძისთვის ადრენალინი არ გაუკეთებია - არა არაფერი არ გამიკეთებია, იმიტომ რომ არ ჩავთვალე საჭიროდ, რომ თითქოს ეს იყო ანაფილაქსიის მაჩვენებელი...
პროტოკოლის შესაბამისად, ექიმის ფუნქციას არ წარმოადგენს პაციენტის გასინჯვა აცრის წინ. მოცემულ შემთხვევაში გასინჯვა გულისხმობს, ფილტვების მოსმენას, ყელში ჩახედვას, გულის ტონების მოსმენას და მუცლის გასინჯვას, რაც მეგის შემთხვევაში და არც სხვების შემთხვევაში არ მომხდარა, რადგან როგორც აღვნიშნე, აღნიშნული არ იყო გათვალისწინებული პროტოკოლით, მაგრამ ვახდენთ შესაბამისი კითხვარით ინფორმაციის მიღებას, მათ შორის ვეკითხებით, მისი ჯანმრთელობის მდგომარეობაზე და თუკი მის მიერ მოწოდებული ინფორმაციით, დადგინდა, რომ აქვს ჩივილები, მერე გავსინჯავ და თუ არსებობს რისკი, რომ უკუჩვენება დაფიქსირდეს, არ ჩავატარებ ვაქცინაციის პროცესს".
კითხვაზე - რა ტემპერატურა ჰქონდა მეგი ბაქრაძეს აცრამდე, ექიმი ჩვენებაში წერს: "მეგის მე თავად გავუზომე ტემპერატურა, და მას აცრის წინ აღენიშნებოდა - 36,7".
ექიმი ჩვენებაში ასევე ამბობს, რომ რაიმე გარემოება, რასაც შეიძლებოდა პოსტვაქცინური უკუჩვენება გამოეწვია, არ არსებობდა.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მე რომ დამეწყო მწვავე ალერგიული რეაქცია სახლში ერთდროულად 3 ტაბლეტი გადავყლაპე ,4 ვერ გავბედე ,ამათ ეგეც არ გააკეთეს თუ ვინმე ახდენს ზეწოლას და ვერ ამბობენ?
აი ზუსტად ასეთი უყურადღებობა და ფეხებზე დაკიდებაა, რასაც თითქმის ყოველდღიურად ვაწყდებით პაციენტები.
მერე რამე რომ გართულდება შემოიკრავენ ხოლმე თავში ხელს. ექიმი იმიტომ ხარ, რომ ყველაზე მცირე რისკი და გართულებაც კი ძალიან სერიოზულად უნდა აღიქვა და მართო. ყოველთვის ყველაზე უარესისთვის უნდა იყო მზად. პაციენტი არ არის ვალდებული, ყველაფერი ექიმის დონეზე იცოდეს და იხვეწოს სამედიცინო მომსახურებაზე ან პასუხებზე.
სამწუხაროდ, ამ დამოკიდებულების გამო მარტო ეს ექთანი კი არა, ბევრი სხვა იღუპება ყოველდღე, მაშინ როცა ტრაგედიის თავიდან აცილება უმარტივესია.
ძაან დიდი ბოდიში პატიოსან მედიკოსებთან, მაგრამ იმდენ ვითომ ცნობილ და ნაქებ ექიმთან ვარ ნამყოფი და მაინც, უმეტესობა უყურადღებო და ზარმაცია! მე რომ არ მეკითხა და მცოდნოდა ბევრი რამე, საიქიოში ვიქნებოდი. საშინელებაა!