IRI-ის გამოკითხულთა 20% ვაქცინას მაშინვე გაიკეთებს, როცა მისთვის ხელმისაწვდომი იქნება - რამდენი პროცენტი ამბობს უარს ვაქცინაციაზე

საერთაშორისო რესპუბლიკური ინსტიტუტის (IRI) ახალი კვლევის თანახმად, გამოკითხულთა 20%-მა განაცხადა, რომ კორონავირუსის საწინააღმდეგო ვაქცინას მაშინვე გაიკეთებს, როგორც კი მისთვის ხელმისაწვდომი გახდება.

კითხვაზე, როდესაც კოვიდ 19-ის ვაქცინა ხელმისაწვდომი გახდება და ვაქცინაციის პროცესი დაიწყება, როგორი იქნება თქვენი გადაწყვეტილება, გამოკითხულთა 20%-მა უპასუხა, რომ ვაქცინას მაშინვე გაიკეთებს, როგორც კი ხელმისაწვდომი გახდება, 24% - ფიქრობს, რომ ვაქცინაციას გარკვეული დროის შემდეგ ჩაიტარებს, 6%-მა განაცხადა, რომ ვაქცინას მხოლოდ იმ შემთხვევაში გაიკეთებს, თუ კანონით სავალდებულო გახდება, ან დამსაქმებელი მოსთხოვს, 39%-მა უპასუხა, რომ ვაქცინაციას არ გაიკეთებს, 12%-მა კი არ იცოდა ან პასუხი არ ჰქონდა კითხვაზე.