კახა კალაძემ კლინიკა დატოვა - თბილისის მერი მკურნალობას სახლში გააგრძელებს
თბილისის მერმა, კახა კალაძემ ბოხუას სახელობის კლინიკა დატოვა. როგორც მან ჟურნალისტებთან განაცხადა, თავს კარგად გრძნობს, თუმცა გარკვეული დროის განმავლობაში მკურნალობას სახლში გააგრძელებს.
"მადლობა მინდა გადავუხადო ყველა იმ ადამიანს, ვინც მგულშემატკივრობდა, ვინც ჩართული იყო ჩემს მკურნალობაში. ჯანმრთელობის მდგომარეობას, რაც შეეხება თავს უკეთესად ვგრძნობ, თუმცა გარკვეული დღეების განმავლობაში მკურნალობა სახლში უნდა გავაგრძელო...
არჩევნებზე, კანდიდატებზე მომდევნო დღეების განმავლობაში, როდესაც დავუბრუნდები სრულფასოვნად ჩემს საქმიანობას, ყველაფერს გეტყვით - ჩემს დამოკიდებულებებს და ხედვებს", - განაცხადა კალაძემ", - განუცხადა ჟურნალისტებს კალაძემ.
ცნობისთვის, თბილისის მერმა, კახა კალაძემ რამდენიმე დღის წინ ინფორმაცია გაავრცელა, სადაც აღნიშნავდა, რომ ის თბილისის ერთ-ერთ კლინიკაში სამედიცინო კვლევებისთვის იმყოფებოდა და მუშაობას დისტანციურ რეჟიმში აგრძელებდა.
კარდიოლოგის, პროფესორის, ზურაბ ფაღავას ინფორმაციით კი, თბილისის მერს კახა კალაძეს ე.წ. ვესტიბულოპათია აღენიშნებოდა.
"რეიტინგების განმსაზღვრელი არჩევნებია - რამდენად იქნება კონკურენტი გახარია, ეს დამოკიდებული იქნება იმ ხედვაზე, რასაც ის წარმოადგენს" - დავით სერგეენკო
ოპოზიციური პარტიები რეგიონებში გასვლას ამ კვირის ბოლოდან გეგმავენ - "თუ ხელისუფლება კიდევ წავა მაქსიმალურ ჩაკეტვებზე, ეს პრობლემას შექმნის"
