რას ამბობს ხათუნა ზახაშვილი ორსულების ვაქცინაციასთან დაკავშირებით?
"ორსულების აცრის პირდაპირი რეკომენდაცია არ არსებობს“, - ამის შესახებ დაავადებათა კონტროლის ეროვნული ცენტრის გადამდებ დაავადებათა ცენტრის ხელმძღვანელმა ხათუნა ზახაშვილმა განაცხადა, რითაც „ინტერპრესნიუსის“ კითხვას უპასუხა, რამდენად არის რეკომენდირებული კორონავირუსის საწინააღმდეგო ვაქცინით ფეხმძიმეების აცრა.
როგორც ხათუნა ზახაშვილი განმარტავს, ორსულ ქალებში კორონავირუსის საწინააღმდეგო იმუნიზაციასთან დაკავშირებით ჯერ კვლევები არ არის ჩატარებული.
„ცდებია ჩატარებული ცხოველებზე, რომელიც აჩვენებს, რომ რაიმე ტერატოგენური ეფექტი არცერთ საცდელ ვაქცინას არ გამოუვლენია, რისკებს ცხოველთა პოპულაციაში არ მოიცავს, თუმცა, ადამიანებში ასეთი ცდები ჩატარებული არ არის, შესაბამისად, ორსულების აცრის პირდაპირი რეკომენდაცია არ არსებობს.
თუ შემთხვევით მოხდება აცრა, როდესაც ჯერ არ არის იდენტიფიცირებული ორსულობა, ეს არ წარმოადგენს ორსულობის ხელოვნური შეწყვეტის ჩვენებას და ორსულობა უნდა გაგრძელდეს“, - აცხადებს ზახაშვილი.
ცნობილი ხდება, რომ პოზნერის სტუმრებს შორის ბალერონი ნიკოლოზ ცისკარიძეც იყო
ამირან გამყრელიძე: "შაბათს შემოდის ჩინური "სინოფარმის“ 100 ათასი დოზა, რომელიც იყიდა ქვეყანამ და "სინოვაკის“ ამდენივე დოზა, რომელიც ჩინეთმა საქართველოს აჩუქა"
