ვლადიმერ პოზნერის განცხადებით, ის საქართველოში არ დაუჯარიმებიათ
ვლადიმერ პოზნერი აცხადებს, რომ ის უკვე მოსკოვში იმყოფება და საქართველოში ყოფნისას საკარანტინო ზომების დარღვევის გამო არ დაუჯარიმებიათ. ამის შესახებ მან "რია ნოვოსტს" განუცხადა.
”მოსკოვში ვარ. ჩვენგან არავინ დაუჯარიმებიათ,“- უპასუხა პოზნერმა დაჯარიმების შესახებ დასმულ შეკითხვას.
ცნობისთვის, საქართველოს შინაგან საქმეთა სამინისტროში აცხადებენ, რომ რუსი ჟურნალისტს, ვლადიმერ პოზნერის სტუმრებიდან 32 პირი იზოლაციისა და კარანტინის წესის დარღვევის გამო დააჯარიმეს.
"საპატრულო პოლიციის დეპარტამენტის თანამშრომლებმა, იზოლაციისა და კარანტინის წესის დარღვევის ფაქტზე, ასკ-ის 42(10) - ე მუხლის შესაბამისად, 32 პირი დააჯარიმეს" - აცხადებენ შსს-ში.
პოზნერი საქართველოში გუშინ ათობით თანმხლებ პირთან ერთად სპეციალური ავიარეისით ჩამოფრინდა. მას დღეს დაბადების დღე ჩვენს ქვეყანაში უნდა აღენიშნა. მთავარი რუსული სახელისუფლებო არხის Первый канал-ის ტელეწამყვანის საქართველოში ჩამოსვლას, ადგილობრივი სამოქალაქო აქტივისტების აქციები მოჰყვა. დღეს გამთენიისას კი პოზნერი თანმხლებ პირებთან ერთად, იძულებული გახდა, რომ საქართველო დაეტოვებინა.
ცნობილი ტელეწამყვანი არაერთი სკანდალური ფრაზით არის ცნობილი, მათ შორის, ყველაზე დასამახსოვრებელი, რაც ქართველების პროტესტს იწვევს, 2010 წელს გაკეთებული განცხადებაა: "აფხაზეთი არასდროს გახდება საქართველოს ნაწილი". - თქვა მაშინ პოზნერმა.
არგენტინის პრეზიდენტს, რომელიც წლის დასაწყისში რუსული ვაქცინით აიცრა, კორონავირუსი დაუდასტურდა
"იყო შემთხვევები, როცა გოგონებზე მამებისა და ქმრების თვალწინ ძალადობდნენ" - სირიის ჯოჯოხეთი და პუტინის მხარდაჭერით გამარჯვებული ასადის რეჟიმის ფასი
