მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქუთაისის საერთაშორისო უნივერსიტეტსა (KIU) და სოხუმის სახელმწიფო უნივერსიტეტს შორის თანამშრომლობის მემორანდუმი გაფორმდა
13:36 / 25-03-2021
24 მარტს ქუთაისის საერთაშორისო უნივერსიტეტში KIU-სა და სოხუმის სახელმწიფო უნივერსიტეტს შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს KIU-ს რექტორმა ალექსანდრე თევზაძემ და სოხუმის უნივერსიტეტის რექტორმა ზურაბ ხონელიძემ.
მემორანდუმის მიზანია მხარეთა შორის აკადემიურ და სამეცნიერო-კვლევით სფეროებში ურთიერთთანამშრომლობის გაღრმავება და შემდგომი განვითარება. საგანმანათლებლო დაწესებულებებს შორის პარტნიორობა ითვალისწინებს აკადემიური გაცვლისა და სტუდენტთა თანამშრომლობის მხარდაჭერას, ერთობლივ საერთაშორისო და ადგილობრივ სამეცნიერო-კვლევით პროექტებში მონაწილეობის მიღებას, კვლევის სხვადასხვა მიმართულებაში თანამშრომლობის განვითარებას, ერთობლივი სემინარების, კონფერენციების, სიმპოზიუმების, ვორქშოპებისა და სხვა სამეცნიერო ღონისძიებების ორგანიზებას, საქართველოს ოკუპირებულ ტერიტორიებზე მცხოვრები და დევნილის სტატუსის მქონე ახალგაზრდებისათვის უმაღლესი განათლების მიღების თანაბარი ხელმისაწვდომობის გაზრდის მიზნით თანამშრომლობასა და შესაბამისი პროექტების/პროგრამების ერთობლივ განხორციელებას, კულტურული და საგანმანათლებლო ღონისძიებების ორგანიზებას.
„დღეს ქუთაისის საერთაშორისო უნივერსიტეტსა და სოხუმის სახელმწიფო უნივერსიტეტს შორის გაფორმდა თანამშრომლობის მემორანდუმი. მემორანდუმით გათვალისწინებულია ორი უნივერსიტეტის თანამშრომლობა როგორც აკადემიური, ისე სამეცნიერო და რა თქმა უნდა სტუდენტური ცხოვრების კუთხით. მემორანდუმის გაფორმების ცერემონიასთან ერთად, გაიმართა სრული ინფრასტრუქტურული დათვალიერება, კამპუსის ტური. ჩვენი სტუმრების მხრიდან არის უაღრესად კარგი გამოხმაურება, რაც ძალიან გვახარებს.“ - განაცხადა ფონდ „ქართუს“ პროექტების დირექტორმა ვახტანგ ცაგარელმა.
„დღეს ქუთაისის საერთაშორისო უნივერსიტეტში სტუმრად არიან სოხუმის სახელმწიფო უნივერსიტეტის წარმომადგენლები რექტორის ხელმძღვანელობით. ხელი მოვაწერეთ ურთიერთთანამშრომლობის მემორანდუმს, რომელიც მოიცავს როგორც აკადემიურ, ისე სამეცნიერო მიმართულებებს და ზოგადად, თანამშრომლობის გაღრმავებას. ეს არის პირველი მემორანდუმი, რომელიც გავაფორმეთ საქართველოში კოლეგა უნივერსიტეტთან. ჩვენ ვქმნით სპეციალურ პირობებს ოკუპირებულ ტერიტორიაზე მცხოვრები ახალგაზრდებისთვის, რომლებმაც განათლება მიიღეს ე. წ. გამყოფი ხაზის მეორე მხარეს და, ასევე, ლტოლვილის სტატუსის მქონე ახალგაზრდებისთვის. ქუთაისის საერთაშორისო უნივერსიტეტი მზად არის უზრუნველყოს მათთვის განათლების ხელმისაწვდომობა და ამას განვახორციელებთ სოხუმის სახელმწიფო უნივერსიტეტთან თანამშრომლობით.“ - განაცხადა ქუთაისის საერთაშორისო უნივერსიტეტის რექტორმა ალექსანდრე თევზაძემ.
„დღეს ძალიან მნიშვნელოვანი დღეა ჩვენთვის. ეს არ არის რიგითი მემორანდუმი, ეს თავისი დატვირთვით არის მასშტაბური და ყოვლისმომცველი, რომელიც მოემსახურება არამხოლოდ უნივერსიტეტის ხვალინდელ დღეს, არამედ ჩვენი ქვეყნის უკეთეს მომავალს. ჩვენ, რაც აქ ვნახეთ ეს არის შთამბეჭდავი, უზარმაზარი შესაძლებლობები ჩვენი ქვეყნისთვის.“ - განაცხადა სოხუმის სახელმწიფო უნივერსიტეტის რექტორმა ზურაბ ხონელიძემ.
ქუთაისის საერთაშორისო უნივერსიტეტი 2021-2022 აკადემიური სასწავლო წლისთვის სტუდენტების ახალი ნაკადის მისაღებად ემზადება. მიმდინარე გაზაფხულზე აბიტურიენტებისთვის დაგეგმილია ღია კარის დღეები. ასევე, მშობლებისა და აბიტურიენტებისთვის რეგულარულად ტარდება საინფორმაციო შეხვედრები.
ქუთაისის საერთაშორისო უნივერსიტეტი სამხრეთ კავკასიაში ერთ-ერთი ყველაზე მასშტაბური უნივერსიტეტია, რომელიც ქართველ და უცხოელ სტუდენტებს უნიკალურ კამპუსს, ინფრასტრუქტურასა და სასწავლო პროგრამებს სთავაზობს. სტუდენტებს საშუალება აქვთ, იცხოვრონ და ისწავლონ კეთილმოწყობილ საუნივერსიტეტო ქალაქში, მიიღონ ხარისხიანი უმაღლესი განათლება და ქართველ და უცხოელ პროფესორებთან ერთად ჩაერთონ ადგილობრივ და საერთაშორისო პროექტებში. სტუდენტები, გარდა აკადემიური და სასწავლო პროცესისა, აქტიურად იღებენ მონაწილეობას სხვადასხვა პროფესიულ კლუბში, შიდა კონკურსსა და ოლიმპიადაში.
უნივერსიტეტი თანამშრომლობს ევროპის წამყვან მიუნხენის ტექნიკურ უნივერსიტეტთან. უნივერსიტეტის საპატიო პრეზიდენტია TUM-ის ყოფილი პრეზიდენტი, პროფესორი ვოლფგანგ ა. ჰერმანი. ქუთაისის საერთაშორისო უნივერსიტეტში სწავლა ინგლისურ ენაზე ხორციელდება და სტუდენტებს ქართველი და ევროპელი პროფესორ-მასწავლებლები ასწავლიან.
NS
სოხუმის უნივერსიტეტი, ოღონდ თბილისში))) თქვენ თუ გჯერათ მაინც ამ ტინგიცობის, ვითომ სოხუმის ვითომ უნივერსიტეტის კარიკატურულო ხელმძღვანელებო?
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
