ლევან რატიანი 27 წლის ექთანზე - სახეზეა გულის გაჩერების წარმატებული აღდგენა, თუმცა ამ ეტაპზე კლინიკურ პარამეტრებში დადებითი ეფექტი არ გაგვაჩნია
თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კომაში ჩავარდნილი ექთნის ჯანმრთელობის მდგომარეობა კრიტიკულია.
როგორც რატიანმა ჟურნალისტებს განუცხადა, პაციენტს შესაბამისი მკურნალობა უტარდება, თუმცა კლინიკურ მაჩვენებლებში დადებითი შედეგი არ არის.
„ამ წუთებში პაციენტის მდგომარეობა არის კრიტიკული. კლინიკურად სახეზეა გულის გაჩერების წარმატებული აღდგენა. აღნიშნული მდგომარეობა ანამნეზის მიხედვით გამოწვეულია, სავარაუდოდ, ანაფილაქსიური შოკის არსებობით. ამ ეტაპზე გრძელდება პროტოკოლით გათვალისწინებული მკურნალობა, მაგრამ დადებითი ეფექტი ამ ეტაპზე კლინიკურ პარამეტრებში არ გაგვაჩნია, ნებისმიერ დროს შეიძლება კვლავ გულის გაჩერებით დასრულდეს“, - განაცხადა რატიანმა.
შეგახსენებთ, რომ ახალციხის კლინიკაში 27 წლის ექთანს „ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია - ანაფილაქსიური შოკი გუშინ განუვითარდა. ექთანი, თბილისში, პირველ საუნივერსიტეტო კლინიკაში მკურნალობს.
"ჩემი მეუღლე ამ ამბით არც თავიდან იყო აღფრთოვანებული და არც ახლა..." - როგორია "პუსკუნას" ცხოვრება ეკრანს მიღმა და რას ამბობს სასცენო პარტნიორზე?
ცერცვაძე ვაქცინაციაზე უარის შემთხვევაში მძიმე სცენარს პროგნოზირებს - "მოიმატებს გარდაცვლილთა რაოდენობა, იქნება მესამე ტალღა, ლოკდაუნები..."
