მნიშვნელოვანი ინფორმაცია
5
ივლისიდღის ზოგადი ასტროლოგიური პროგნოზი
მთვარის მეთერთმეტე დღე დაიწყება 17:23-ზე, მთვარე მორიელშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. არ არის რეკომენდებული ფოკუსირება მხოლოდ მატერიალურ ფასეულობებზე. დაასრულეთ რაც დაიწყეთ. ჯობია გამოიჩინოთ მზრუნველობა და სიყვარული საყვარელი ადამიანის მიმართ, მიართვათ საჩუქარი. დღის საუკეთესო საკვებად ითვლება წვენები და ხილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
უკვე დღეიდან New York Times-ის ბესტსელერი - რუტა სეპეტისის „რუხ ჩრდილებს შორის“ -ჟურნალ „გზასთან“ ერთად
11:26 / 18-03-2021
2011 წელს ლიეტუველ-ამერიკელი მწერალი რუტა სეპეტისი თავის სადებიუტო რომანს „რუხ ჩრდილებს შორის“ წარუდგენს მკითხველს; რომანს, რომლითაც სტალინური რეპრესიების მთელ საშინელებას კიდევ ერთხელ ახსენებს მთელ მსოფლიოს.
„რუხ ჩრდილებს შორის“ New York Times-ის ბესტსელერი გახდა, არაერთი ლიტერატურული პრემია მოიპოვა და 30-ზე მეტ ენაზე ითარგმნა, მათ შორის ქართულადაც. სწორედ რუტა სეპეტისის ცნობილი რომანი გახლავთ გამომცემლობა „პალიტრა L-ის“ სერიის „ომებსა და ადამიანებზე“ ახალი წიგნი, რომელიც 18 მარტს ჟურნალ „გზასთან“ ერთად გამოვიდა. წიგნის სპეციალური ფასია 8.00 ლარი, ჟურნალთან ერთად - 10.00 ლარი.
რომანი „რუხ ჩრდილებს შორის“ რეპრესირებული ოჯახის შესახებ მოგვითხრობს. აღსანიშნავია, რომ თავდაპირველად რომანის შთაგონების წყარო ავტორისავე ოჯახის ტრაგიკული ისტორია გახდა - იმ ოჯახების ისტორიების მსგავსი, რომლებიც სტალინურ რეპრესიებს ემსხვერპლნენ და რომელთაგან ერთეულებმა მოახერხეს გადარჩენა, ცხოვრების თავიდან დაწყება. რუტა სეპეტისმა არა მხოლოდ თავისი, არამედ სხვა ოჯახების ისტორიები მოისმინა, გამოიკვლია. რომანის ერთ-ერთი მთავარი ღირსება სწორედ ეს არის - აქ ნამდვილი ამბები და დიდი ტრაგედია ერთდროულად არის უცხოც, ტრაგიკულიც, ბევრისთვის მოულოდნელიც, თუმცა მაინც საოცრად, საოცრად რეალური!
რომანის მთავარი გმირების მშვიდი და ლაღი ცხოვრება ერთ ღამეში იცვლება, როცა სახლში საბჭოთა ოფიცრები შეცვივდებიან. რომანის გმირი, ლინა, პატარა ძმასა და დედასთან ერთად ხალხით გადავსებულ ბინძურ ვაგონში აღმოჩნდება.აქედან იწყება სასტიკი მოგზაურობა, მოგზაურობა მამის გარეშე, უცნობი ადამიანების გარემოცვაში, უცხო და სუსხიან მხარეში...
ლინას ცხოვრება ციმბირში, შრომა-გასწორების ბანაკში გრძელდება. უფრო ზუსტად, ეს მხოლოდ დასაწყისია -შიმშილის, სიცივის, მონური და დამამცირებელი შრომის, გადარჩენისთვის ბრძოლის დასაწყისი. იწყება ბრძოლა სასტიკ და უსამართლო რეჟიმთან; იწყება ბრძოლა შიშველი, გაყინული ხელებითა და ცარიელი ენთუზიაზმით. რა შეიძლება იყოს რუხ ჩრდილებს შორის თუ არა იმედი, რომ ცხოვრება ჯერ არ დასრულებულა; რომ გადარჩენა ჯერ კიდევ შესაძლებელია?!
ამდენად, თქვენ წინაშეა სულისშემძვრელი რომანი, რომელიც კიდევ ერთხელ გვახსენებს სტალინური რეპრესიების მთელ სისასტიკეს. თქვენ წინაშეა რომანი, რომელიც სავსეა რეალური ისტორიებით და რეალური პერსონაჟებით.
შეგახსენებთ, წიგნების სერია „ომებსა და ადამიანებზე“ გამომცემლობა „პალიტრა L-ის“ პროექტია, რომელიც ომის შესახებ დაწერილ წიგნებს აერთიანებს. სერიის ფარგლებში უკვე გამოვიდა ომის თემაზე დაწერილი, მსოფლიო ლიტერატურის ისეთი შედევრები, როგორებიცაა: „შინდლერის სია“, „წიგნის ქურდი“, „ომის შედეგები“, „ბულბული“. სერიის ახალი წიგნი, რუტა სეპეტისის „რუხ ჩრდილებს შორის“, 18 მარტს ჟურნალ „გზასთან“ გამოვიდა. წიგნის სპეციალური ფასია 8.00 ლარი, ჟურნალთან ერთად - 10.00 ლარი.
იკითხეთ „ბიბლუსის“ მაღაზიათა ქსელში და პრესის გავრცელების ჯიხურებში მთელი საქართველოს მასშტაბით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
