"ბრიტანეთის საიტებზე არ უნდა ვეძებდე მე "ასტრაზენეკას" შემადგენლობას... მოგვაწოდეთ ინფორმაცია, აგვიხსენით" - რას სთხოვს მეუფე ნიკოლოზი ამირან გამყრელიძეს
მეუფე ნიკოლოზი (ფაჩუაშვილი) ხელისუფლებას და დაავადებათა კონტროლის ეროვნული ცენტრის ხელმძღვანელ ამირან გამყრელიძეს მიმართავს, რათა მათ საზოგადოებას "ასტრაზენეკას" ვაქცინის შესახებ მეტი ინფორმაცია მიაწოდონ.
"ჩვენ ვერ ჩავერევით ამაში, ჩვენი მხარე, ჩვენი პასუხიმსგებლობა, რაც არის, გამოიხატება იმაში, რომ ჩვენ ადამიანებს თავისუფლებას არ შევუზღუდავთ, თუ აიცრება ადამიანი, ვაზიარებთ და თუ არ იცრება - ვაზიარებთ, აიცრა თუ არ აიცრა, ზიარებაზე ეს არ მოახდენს ზეგავლენას.
ერთი რამ მინდა ბატონ ამირანს ვთხოვო და ხელისუფლებასაც და მასმედიასაც, ჩაატარეთ საგანმანათლებლო გადაცემები, გაგვანათლეთ, შემოგვიტანეთ ინფორმაცია... ბრიტანეთის საიტებზე არ უნდა ვეძებდე მე "ასტრაზენეკას" შემადგენლობას. ბატონმა ამირანმაც და ხელისუფლებამაც უნდა მოგვაწოდოს... ერთი სიტყვა "ასტრაზენეკა" სულ არ არის საკმარისი იმისთვის, რომ გავიგოთ რაზეა ლაპარაკი, ზუსტი ინფორმაცია მოგვაწოდეთ, აგვიხსენით მოსახლეობას", - განაცხადა ჟურნალისტებთან საუბრისას მეუფე ნიკოლოზმა.
გაეცანით ყველა სიახლეს: საქართველოში COVID 19-ის საწინააღმდეგო ვაქცინაცის შესახებ
"ქვეყანამ ყველაფერი გააკეთა, რომ ყოფილიყო ვაქცინაციის შემდგომი მართვის ალერგიული რეაქციების პროტოკოლი" - ბიძინა კულუმბეგოვი
"ყველაფერი გაკეთდება ამ სიცოცხლის გადასარჩენად" - როგორ შეაფასა, ლევან რატიანმა კომაში ჩავარდნილი ექთნის მდგომარეობა კონსილიუმის შემდეგ
