"ერთ-ერთი ჩინური ვაქცინა შესაძლოა, სულ მალე შემოვიდეს ქვეყანაში" - ამირან გამყრელიძე

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, საქართველოში შესაძლოა, ერთ-ერთი ჩინური ვაქცინა შემოვიდეს.

როგორც მან აღნიშნა, მწარმოებელთან მოლაპარაკებები დიპლომატიური არხების საშუალებით მიმდინარეობს და უკვე კონტრაქტებიც არის შედგენილი.

„ჩინეთი ვაქცინის ერთ-ერთი დიდი მწარმოებელია. ჩინური ორი ვაქცინა „სინოფარმი“ და „სინოვაკი“ არის უკვე ჯანმრთელობის მსოფლიო ორგანიზაციის ავტორიზაციის მიჯნაზე, ისინი ავტორიზაციას მიიღებენ. საქართველო ორივე მწარმოებელთან აწარმოებს მოლაპარაკებას დიპლომატიური არხების საშუალებით და არის უკვე კონტრაქტებიც იმ ეტაპამდე მიყვანილი, რომ ერთ-ერთი ჩინური ვაქცინა შესაძლოა, სულ მალე ქვეყანაში იყოს. რამდენი დოზა იქნება და რა პერიოდულობით შემოვა, ეს კონტრაქტის საგანია“, - განაცხადა გამყრელიძემ.