ზილფიმიანი გამოვიდა ინიციატივით, რომ განათლებისა და მეცნიერების სამინისტრო იწოდებოდეს მეცნიერებისა და განათლების სამინისტროდ - "ჟღერადობისთვისაც უკეთესია"

"ევროპელი სოციალისტების“ წევრი, დეპუტატი დავით ზილფიმიანი პარლამენტში გამოვიდა ინიციატივით, რომ განათლებისა და მეცნიერების სამინისტროს დასახელების სიტყვათა წყობა შეიცვალოს და უწყებას განათლებისა და მეცნიერების სამინისტროს ნაცვლად, მეცნიერებისა და განათლების სამინისტრო ერქვას.

ამის შესახებ დეპუტატმა პარლამენტის დღევანდელ სხდომაზე სიტყვით გამოსვლისას განაცხადა.

"უფრო უპრიანი ხომ არ არის, საქართველოს განათლებისა და მეცნიერების სამინისტრო იწოდებოდეს საქართველოს მეცნიერებისა და განათლების სამინისტროდ?! იმიტომ, რომ უფრო მეტ ქვეყანაში, სადაც ეს ორი სამინისტრო ერთად არის, ჯერ მეცნიერებაა და ჟღერადობისთვისაც უფრო უკეთესია“, - აღნიშნა დეპუტატმა.