მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
„ქუთაისის საერთაშორისო უნივერსიტეტის TUM-თან თანამშრომლობა მაძლევს შესაძლებლობას მშობლიურ ქალაქში მივიღო ევროპული დონის განათლება“ - მენეჯმენტის პროგრამის სტუდენტი
13:35 / 16-03-2021
ვიკა ბოდოკია ქუთაისის საერთაშორისო უნივერსიტეტის ერთ-ერთი წარმატებული სტუდენტია. ის მენეჯმენტის პროგრამაზე სწავლობს და დატვირთული სასწავლო რეჟიმის პარალელურად აქტიურადაა ჩართული სხვადასხვა საგანმანათლებლო პროექტებშიც. იგი KIU-ს ერთ-ერთი ელჩია და მონაწილეობას იღებს სხვადასხვა აქტივობებშიც.
ვიკამ ქუთაისის N31-ე საჯარო სკოლა წარჩინებით, ოქროს მედალზე დაამთავრა. პირველივე კლასიდან მონაწილეობდა მათემატიკისა და ინგლისურის სასკოლო ოლიმპიადებში, მათ შორისაა: „Everest”, „Kings”, „Smart”. სკოლის პერიოდში გატაცებული იყო საბუნებისმეტყველო საგნებით, კერძოდ ქიმიით. ჯერ კიდევ 13 წლის ასაკში ეროვნულ სასახლეში დაიცავა ნაშრომი თემაზე - „ლანჩხუთის რაიონის სოფელ ზემო შუხუთის წყაროს წყლებში Mg2+, Ca2+, HCO3- და CL- იონების განსაზღვრა”, სადაც დიპლომი მოიპოვა. ასევე, ჩართული იყო “eTwinning”_ის პროექტში - „საქართველოს კულტურული მემკვიდრეობა”. სკოლის პარალელურად “eti”-ს სასწავლო ცენტრში გადიოდა ენის შემსწავლელ კურსს. გარდა სასწავლო ოლიმპიადებისა, მონაწილეობას იღებდა „ბავშვთა და მოზარდთა საერთაშორისო ურთიერთობების ცენტრის” მიერ განხორციელებულ სხვადასხვა აქტივობაში.
გოგონას საბუნებისმეტყველო საგნებისადმი განსაკუთრებული ინტერესის გამო სამედიცინოზე სურდა ჩაბარება, თუმცა 2019 წელს „ბიზნეს ანბანის პროექტში” ჩაერთო, რომლის დასრულების შემდეგ გადაწყვეტილება შეცვალა. სამედიცინოსა და მენეჯმენტს შორის საბოლოო არჩევანის გააკეთებაში გარდამტეხი როლი ქუთაისის საეთაშორისო უნივერსიტეტის გახსნის დაანონსებამ ითამაშა. ვიკას ყურადღება იმთავითვე მიიქცია საუნივერსიტეტო ქალაქმა, გერმანულმა საგანმანათლებლო მოდელმა, აკადემიურმა და სოციალურმა გრანტებმა, გაცვლითი პროგრამების არსებობამ.
„დღეს მე ვსწავლობ KIU-ს მენეჯმენტის პროგრამაზე. ყოველდღე ვრწმუნდები ჩემი გადაწყვეტილების სისწორეში. ქუთაისის საერთაშორისო უნივერსიტეტის TUM-თან თანამშრომობა მაძლევს შესაძლებლობას მშობლიურ ქალაქში მივიღო ევროპული დონის განათლება. სწავლა რთულია, თუმცა პროფესიონალი აკადემიური პერსონალი გვეხმარება დასახული ამოცანების ამოხსნაში. სკოლაში მიღწეული წარმატების წყალობით ვარ KIU-ს სტიპენდიანტი, მოპოვებული მაქვს ულტრათანამედროვე კამპუსზე ცხოვრების დაფინანსება. სწავლის პარალელურად ვარ KIU-ს ერთ-ერთი ელჩი და სტუდენტებთან ერთად ვცდილობ კიდევ მეტი სიახლე შევმატო უნივერსიტეტს. ასევე, ახლახანს ჩავერთე ღია კარის დღესთან დაკავშირებულ აქტივობებში.
დარწმუნებული ვარ, რომ ჩემი მიზნების განხორციელებაში KIU მნიშვნელოვან როლს ითამაშებს და უდიდეს გამოცდილებას მომცემს. ეს კი დამეხმარება ევროპულ სტანდარტებთან მარტივად ადაპტირებაში.“ - განაცხადა ვიკა ბოდოკიამ.
შეგახსენებთ, რომ ქუთაისის საერთაშორისო უნივერსიტეტი 2021-2022 აკადემიური სასწავლო წლისთვის სტუდენტების ახალი ნაკადის მისაღებად ემზადება.
KIU სამხრეთ კავკასიაში ერთ-ერთი ყველაზე მასშტაბური უნივერსიტეტია, რომელიც ქართველ და უცხოელ სტუდენტებს უნიკალურ კამპუსს, ინფრასტრუქტურასა და სასწავლო პროგრამებს სთავაზობს. სტუდენტებს საშუალება აქვთ იცხოვრონ და ისწავლონ კეთილმოწყობილ საუნივერსიტეტო ქალაქში, მიიღონ ხარისხიანი უმაღლესი განათლება და ქართველ და უცხოელ პროფესორებთან ერთად ჩაერთონ ადგილობრივ და საერთაშორისო პროექტებში. სტუდენტები გარდა აკადემიური და სასწავლო პროცესისა, აქტიურად იღებენ მონაწილეობას სხვადასხვა პროფესიულ კლუბში, შიდა კონკურსსა და ოლიმპიადაში. უნივერსიტეტი თანამშრომლობს ევროპის წამყვან მიუნხენის ტექნიკურ უნივერსიტეტთან (TUM International GmbH-თან და TUM-თან). KIU-ს საოპერაციო მოდელი და პროგრამები შემუშავებულია TUM და TUM International GmbH-თან პარტნიორობით. უნივერსიტეტის საპატიო პრეზიდენტია TUM-ი ყოფილი პრეზიდენტი, პროფესორი ვოლფგანგ ა. ჰერმანი. KIU-ში სწავლა ინგლისურ ენაზე ხორციელდება და სტუდენტებს ქართველი და ევროპელი პროფესორ-მასწავლებლები ასწავლიან.
NS
მკითხველის კომენტარები /
5 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მადლობა ბიძინას!!!
გავა დრო და მეტად დაფასდება ივანიშვილების ღვაწლი ამ ქვეყანაში, ჯერ ბევრი კიდევ ვერ ხედავს რა გააკეთეს საერთოდ.