მნიშვნელოვანი ინფორმაცია
22
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არ არსებობს მტკიცებულება, რომ ვაქცინამ პრობლემები გამოიწვია" - სად და რატომ შეაჩერეს AstraZeneca-ს გამოყენება და რომელ ქვეყნებში ცრიან ამ ვაქცინით კვლავაც?
11:06 / 12-03-2021
13 მარტს საქართველოში კორონავირუსის საწინააღმდეგო Astrazeneca-ს ვაქცინის პირველ დოზებს შემოიტანენ და ვაქცინაცია ჩვენს ქვეყანაშიც დაიწყება. მაგრამ AstraZeneca-სთან დაკავშირებით საზოგადოებაში კითხვები გაჩნდა მას შემდეგ, რაც ზოგიერთმა ქვეყანამ აღნიშნული პრეპარატით ვაქცინაციის პროცესი დროებით შეაჩერა.
შეჩერების მიზეზად სახელდება სისხლის შედედება, თრომბოემბოლია, რომელიც ვაქცინის გაკეთების შემდეგ ზოგიერთს განუვითარდა, თუმცა ჯერჯერობით არ არსებობს მტკიცებულება, რომელიც სისხლის შედედებასა და ვაქცინაციას შორის კავშირს დაადასტურებდა.
ამ დროისთვისთვის Astrazeneca-ს ვაქცინით აცრები შეჩერებულია დანიაში, ნორვეგიაში, ისლანდიაში. იტალიაში, ავსტრიაში, ესტონეთში, ლატვიაში, ლიეტუვასა და ლუქსემბურგში. თუმცა როგორც აცხადებენ, ეს დროებითია, შესაბამისი დასკვნის შემდეგ, სავარაუდოდ, პროცესი გაგრძელდება.
დანიაში აცხადებენ, რომ შეჩერების მიზეზი გახდა ვაქცინაციის შემდეგ სისხლის შედედება. იტალიის მედიკამენტების სააგენტოში კი ამბობენ, რომ მათი გადაწყვეტილება AstraZeneca-ს პრეპარატით ვაქცინაციის შეჩერების შესახებ "არის პრევენციული" და დასძენენ, რომ ვაქცინასა და განვითარებულ "არასასურველ მოვლენებს“ შორის კავშირი ჯერჯერობით არ იკვეთება.
მედიის ცნობით, ვაქცინის მიღების შემდეგ, ორი იტალიელი გარდაიცვალა, ხოლო უცნობმა წყარომ სააგენტო Reuters-ს განუცხადა, რომ ვაქცინაციის დროებით შეჩერების მიზეზი სწორედ ეს გახდა.
ავსტრიაშიც ვაქცინაციის შეჩერების გადაწყვეტილება მას შემდეგ მიიღეს, რაც აცრიდან 10 დღეში "სისხლის შედედების გამო“ ქალი გარდაიცვალა.
ამასთანავე, ვაქცინაცია AstraZeneca-ს გამოყენებით დღეს უნდა დაწყებულიყო ტაილანდში და ქვეყნის პრემიერს აცრა პირდაპირ ეთერში უნდა გაეკეთებინა, თუმცა, მას შემდეგ, რაც ბოლო დღეებია სხვადასხვა ქვეყნები "ასტრაზენეკას“ ვაქცინით აცრის პროცესს აჩერებენ, ტაილანდმა აცრების დაწყება გადადო და ისინიც დაელოდებიან შესაბამის კვლევებსა და დასკვნებს.
მას შემდეგ, რაც ქვეყნებმა AstraZeneca-ს ვაქცინით აცრა შეაჩერეს, განცხადებები გაავრცელეს მედიკამენტების მარეგულირებელმა სააგენტოებმა.
"არ არსებობს მტკიცებულება, რომ კორონავირუსის საწინააღმდეგო Oxford-AstraZeneca-ს ვაქცინა უკავშირდებოდეს თრომბოემბოლიის რისკს. ვაქცინის სარგებელი აჭარბებს მასთან დაკავშირებულ შესაძლო რისკებს“, - ამის შესახებ აცხადებენ ევროკავშირის მედიკამენტების მარეგულირებელში.
რაც შეეხება მწარმოებელს, AstraZeneca-ში ამბობენ, რომ კლინიკურ კვლევებში ვაქცინის უსაფრთხოება ფართოდ არის შესწავლილი და დადასტურებულია, რომ ის უსაფრთხო და ეფექტიანია. კომენტარი გააკეთეს დიდი ბრიტანეთის მედიკამენტების მარეგულირებელ სააგენტოშიც და აღნიშნეს, რომ "არ არსებობს მტკიცებულება, რომ ვაქცინამ პრობლემები გამოიწვია". მათი თქმით, ვაქცინაციის პროცესი კვლავ უნდა გაგრძელდეს. მარეგულირებელ სააგენტოში აცხადებენ, სისხლის შედედება და თრომბოემბოლია შეიძლება ბუნებრივად განვითარდეს და ეს არც ისე იშვიათია.
"დიდ ბრიტანეთში 11-მილიონ დოზაზე მეტი ასტრაზენეკას ვაქცინაა უკვე ჩატარებული“, - აცხადებენ ბრიტანეთის მედიკამენტების მარეგულირებელ სააგენტოში.
დიდი ბრიტანეთის გარდა AstraZeneca-ს ვაქცინას იყენებენ მთელ რიგ ქვეყნებში, მათ შორის, აშშ-ში, ესპანეთში, მექსიკაში, ბრაზილიაში, არგენტინაში, ბელგიაში, კანადაში და ა.შ. ზოგიერთი მათგანის მთავრობამ, მათ შორის, ესპანეთისა და მექსიკის ხელისუფლების წარმომადგენლებმა განაცხადეს, რომ ისინი ვაქცინაციის პროცესის შეჩერებას არ აპირებენ.
წყარო: BBC.com
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფაქტია ცუდ შედეგებს იწვევს,მაგრამ არ აღიარებენ.ვინ იცის შემდგომ პერიოდში რას იზამს? Არა მარტო ეს არამედ სხვა ვაქცინებიც. Რახან ასე გულით სურთ გაიკეთონ კულუმბეგოვმა და კალოიანმა. ჩვენ შევხედოთ რა მოხდება.
როცა გამოჩნდება გვიან იქნება..