მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
სამშაბათი, მთვარის ოცდამეექვსე დღე დაიწყება 06:31-ზე, მთვარე მერწყულში
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
შეიცავს თუ არა "ასტრაზენეკას" ვაქცინა ემბრიონალურ უჯრედებს - ბიძინა კულუმბეგოვი სასულიერო პირის განცხადებას პასუხობს
20:09 / 11-03-2021
არც თუ ისე ხანმოკლე ლოდინის შემდეგ, ცნობილი გახდა საქართველოში ვაქცინის შემოტანის კონკრეტული თარიღი. ჯანდაცვის მინისტრის, ეკატერინე ტიკარაძის თქმით, 13 მარტიდან, ქვეყანაში ვაქცინის 43 200 დოზა შემოვა და ეს "ასტრაზენეკას" წარმოებული ვაქცინა იქნება.
სწორედ "ასტრაზენეკას" მიმართ აქვთ სასულიერო პირების გარკვეულ ნაწილს განსაკუთრებული სკეპტიკური დამოკიდებულება. ქუთაის-გაენათის ეპარქიის მიტროპოლიტმა იოანე გამრეკელმა 11 მარტს რუსთავში ეკლესიის კურთხევის შემდეგ ადგილობრივ მედიასთან საუბარში განაცხდა, რომ, "ასტრაზენეკას" ვაქცინა რელიგიური თვალსაზრისით მიუღებელია. ამის მიზეზად მიტროპოლიტმა მედიკამენტის დამზადების ტექნოლოგია დაასახელა.
"არის სხვადასხვა ბაზაზე შესრულებული ვაქცინები. აღმოჩნდა, სამწუხაროდ, რომ ერთ-ერთი ვაქცინა არის აბორტის მსხვერპლისგან. უმანკო ჩანასახისგან აღებული ნაწილი შედის იქ. ეს ჩვენთვის მიუღებელია. კანიბალიზმის დონეზე მიდის უკვე, ძალადობით მოკლულის მიერ ჯანმრთელობას მივხედო. ეს სინოდზეც იყო განხილული - "ასტრაზენეკა“. "სინოდის განჩინებაა", ჩემით რომ არ ვილაპარაკო, არ უნდა იყოს იძულებითი ხასიათის და ადამიანმა უნდა გააკეთოს არჩევანი“ - განაცხადა მიტროპოლიტმა იოანემ.
შეიცავს თუ არა "ასტრაზენეკას" ვაქცინა ემბრიონალურ უჯრედებს და რა წინააღმდეგობაში შეიძლება მოდიოდეს ვაქცინა ადამიანის რელიგიურ მრწამსთან? - ამ საკითხზე სასაუბროდ Ambebi.ge ალერგოლოგ-იმუნოლოგ ბიძინა კულუმბეგოვს დაუკავშირდა.
სპეციალისტის განმარტებით, ემბრიონალურ უჯრედებს მხოლოდ ვექტორული ვაქცინების ეფექტიანობის განსაზღვრის ეტაპზე იყენებენ, მაგრამ უკვე დამზადებული ვაქცინის შემადგენლობაში ასეთი უჯრედები არ შედის.
"ზოგადად, 1961-იანი წლებიდან ემბრიონალური უჯრედები აქტიურად გამოიყენება კვლევის პროცესში. ეს არის ძირითადად ჰოლანდიასა და ბრიტანეთში ჩატარებული აბორტის შედეგად შენახული მასალები, რომლებსაც ემბრიონალურ უჯრედთა ხაზებს უწოდებენ და მსოფლიო მეცნიერული ტექნოლოგია წარმატებით იყენებს, მათ შორის კიბოს საწინააღმდეგო წამლების დამზადების პროცესში. ეს არის სამეცნიერო მიღწევების შედეგი, რომელმაც ბევრი ადამიანის სიცოცხლე გადაარჩინა.
რაც შეეხება ვაქცინებს, ჩინური და "ასტრაზენეკას" ვექტორული ვაქცინები მიუთითებს, რომ ლაბორატორიული კვლევის პროცესში, როდესაც ადგენდნენ რამდენად ეფექტური იქნებოდა ვაქცინის მოქმედება, ნამდვილად გამოიყენეს ეს უჯრედები, მაგრამ ხაზგასმით გეუბნებით, უკვე დამზადებული ვაქცინების შემადგენლობაში ემბრიონალური უჯრედები არ შედის. ანუ არც ჩინური და არც "ასტრაზენეკას" ვაქცინა არ შეიცავს არანაირ ემბრიონალურ უჯრედებს. რაც შეეხება, "ფაიზერს" მასში ვექტორული ხაზები არ გამოუყენებიათ და შესაბამისად, მისი დამზადების არცერთ ეტაპზე არ იყო გამოყენებული ემბრიონალური უჯრედები" - ამბობს ბიძინა კულუმბეგოვი.
- რას წარმოადგენს "ასტრაზენეკას" ვაქცინა და რამდენად საფრთხისშემცველი შეიძლება იყოს იგი?
- Oxford/Astra Zeneca დიდი ბრიტანეთისა და შვედეთის წარმოებული ვაქცინაა და ვექტორული ვაქცინის ტიპს მიეკუთვნება. მას ადამიანის ორგანიზმში ინფორმაცია შიმპანზეს ადენოვირუსის მეშვეობით შეაქვს, რის შემდეგაც ორგანიზმს ეხმარება კორონავირუსის წინააღმდეგ ანტისხეულების გამომუშავებაში და მათ დამახსოვრებაში. "ასტრაზენეკას" ვაქცინის ბაზაში, ვექტორად ანუ გადამტანად კონვერტის სახით არის გამოყენებული შიმპანზეს ადენოვირუსი. მაგალითად, რუსულ და ჩინურ ვაქცინებში ადამიანის ადენოვირუსებია გამოყენებული.
- რატომ გამოიყენეს შიმპანზეს და არა ადამიანის ადენოვირუსი "ასტრაზენეკაში"?
- ადამიანის ადენოვირუსები მოსახლეობაში ცირკულირებს, რის გამოც შესაძლებელია, ადამიანს უკვე ჰქონდეს ადენოვირუსების მიმართ ანტისხეულები და ვაქცინის ეფექტურობა რისკის ქვეშ დადგეს. რაც შეეხება შიმპანზეს ადენოვირუსს, ცხადია, ადამიანს ის ვერ ექნება, შესაბამისად, ვერც მისი საწინააღმდეგო ანტისხეულები, ამიტომაც აირჩია ოქსფორდის ჯგუფმა იგი.
კიდევ ერთხელ რომ განვმარტო, შიმპანზეს ადენოვირუსი არის მხოლოდ გადამტანი და ის ჩვენს ორგანიზმში არ მრავლდება. მას აქვს დნმ ფრაგმენტში ინფორმაცია, თუ როგორ ასინთეზიროს კორონავირუსის სპაიკ ცილა ჩვენს ორგანიზმში მოხვედრის შემდეგ. აღნიშნული ცილის წარმოქმნის შემდეგ გამომუშავდება ანტისხეულები COVID-19 -ის წინააღდეგ და ფორმირდება მახსოვრობა. რაც შეეხება ვაქცინის ეფექტურობას, ამ დროის ინფორმაციით, ეს მაჩვენებელი 70- დან -80 %-მდე მერყეობს. პირველ და მეორე დოზას შორის ყველაზე ოპტიმალურ შუალედად სამი თვე განისაზღვრა, რადგან ამან უფრო მეტი ეფექტურობა აჩვენა.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პარფიუმერია შეიცავს თუ შეიცავს მაგას