მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
11 მარტიდან 11 მარტამდე - როგორია მსოფლიოში ეპიდვითარება და ცხოვრება პანდემიის გამოცხადებიდან ერთი წლის შემდეგ
11:34 / 11-03-2021
კორონავირუსის პანდემიის გამოცხადებიდან დღეს ერთი წელი გავიდა. ჯანდაცვის მსოფლიო ორგანიზაციის ხელმძღვანელმა ტედროს ადანომ გებრეისუსმა პანდემია ზუსტად ერთი წლის წინ, 2020 წლის 11 მარტს გამოაცხადა.
ეს იყო დღე, როცა ადამიანები მთელ მსოფლიოში თვითგადარჩენის ინსტინქტით ამოქმედდნენ. ყველას გვახსოვს რიგები სუპერმარკეტებში, მომარაგებული საკვები და ტუალეტის ქაღალდები, პროდუქტებისგან ერთ დღეში დაცარიელებული მაღაზიები. ვირუსის პრევენციის მიზნით არაერთი შეზღუდვა დაწესდა და დღემდე ამ შეზღუდვებით ვცხოვრობთ.
დისტანცია, კარანტინი, "კომენდანტის საათი", პირბადე - ყოველდღიურობის ნაწილი გახდა.
კორონავირუსის გამოვლენის დღიდან ამ დრომდე მსოფლიოს მასშტაბით ვირუსის 118,8 მილიონი შემთხვევა დადასტურდა, ინფიცირებულთაგან პანდემიის ერთი წლის თავზე გარდაცვლილია 2,6 მილიონი პაციენტი, ხოლო 94,6 მილიონი გამოჯანმრთელდა.
კორონავირუსით ინფიცირებულთა რაოდენობის მიხედვით, დღეს მსოფლიოს პირველი 10 ქვეყანა ასეთია:
- აშშ - 29,8 მილიონი შემთხვევა
- ინდოეთი - 11, 2 მილიონი შემთხვევა
- ბრაზილია - 11, 2 მილიონი შემთხვევა
- რუსეთი - 4,3 მილიონი ინფიცირებული
- დიდი ბრიტანეთი - 4,2 მილიონი ინფიცირებული
- საფრანგეთი - 3,9 მილიონი ინფიცირებული
- ესპანეთი - 3,1 მილიონი ინფიცირებული
- იტალია - 3,1 მილიონი ინფიცირებული
- თურქეთი - 2,8 მილიონი შემთხვევა
- გერმანია - 2,5 მილიონი ინფიცირებული.
ჩინეთი, ქვეყანა საიდანაც COVID-19 გავრცელდა, ამ დროისთვის კორონავირუსით ინფიცირებულთა რაოდენობის მიხედვით, მსოფლიოს 86-ე ქვეყანაა და ვირუსის გამოვლენის პირველი დღიდან ამ დრომდე იქ კოვიდის 90 000 შემთხვევაა აღწერილი.
რაც შეეხება საქართველოს, ჩვენი ქვეყანა კორონავირუსით ინფიცირებულთა საერთო რაოდენობის მიხედვით, პანდემიის გამოცხადებიდან ერთი წლის თავზე, მსოფლიოს 49-ე ქვეყანაა და საერთო ჯამში, ჩვენთან ვირუსის 273 650 შემთხვევაა აღწერილი, რომელთა შორისაც, 3 613 პაციენტი გარდაიცვალა, ხოლო 267 111 გამოჯანმრთელდა.
პანდემიის გამოცხადებიდან ერთი წლის თავზე მსოფლიოს უკვე აქვს არაერთი ეფექტიანი ვაქცინა, მათი ნაწილი უკვე დამტკიცებულია ჯანდაცვის მსოფლიო ორგანიზაციის მიერ, ნაწილი კი დამტკიცებას ელოდება. გამოცემა Bloomberg-ის ბოლო მონაცემების მიხედვით, კორონავირუსის საწინააღმდეგო ვაქცინაცია მსოფლიოს 121 ქვეყანაში მიმდინარეობს და ამ დროისთვის 326-მილიონზე მეტი ადამიანი აიცრა.
ყველაზე მეტი, 95.7 მილიონი ვაქცინირებული აშშ-შია, რაც მოსახლეობის 28.8%-ს შეადგენს. აშშ-ს ჩინეთი მოჰყვება, სადაც 52 მილიონი ადამიანი აიცრა, რაც ყოველ 100 ადამიანზე 3.7 ვაქცინირებულს უდრის.
Bloomberg-ის ინფორმაციით, ისრაელში მოსახლეობის 44%-მა ვაქცინის ორივე დოზა მიიღო. ისრაელის შემდეგ ვაქცინაცია ყველაზე სწრაფად არაბთა გაერთიანებულ საამიროებში მიმდინარეობს, სადაც ვაქცინის პირველი დოზა მოსახლეობის 59%-ს ჩაუტარდა. ისრაელისა და არაბთა გაერთიანებულ საამიროებს გაერთიანებული სამეფო, აშშ, ჩილე და მაროკო მოჰყვებიან.
კორონავირუსის პანდემიის გამოცხადებიდან ერთი წლის თავზე გავრცელებულია ვირუსის სხვადასხვა შტამები - ე.წ. ბრაზილიური, აფრიკული და ბრიტანული შტამები, რომელთა მიმართაც ამ დროისთვის არსებული ვაქცინები ნაკლებად ეფექტიანია.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
