რას წერს ნინო გიორგობიანი შსს-დან მთავრობის ადმინისტრაციაში გადასვლის შემდეგ?
მთავრობის ადმინისტრაციის სტრატეგიული კომუნიკაციების დეპარტამენტის უფროსად ნინო გიორგობიანი დაინიშნა.
ნინო გიორგობიანი მთავრობის ადმინისტრაციის სტრატეგიული კომუნიკაციების დეპარტამენტის უფროსად დანიშვნამდე იყო საქართველოს შინაგან საქმეთა სამინისტროს სტრატეგიული კომუნიკაციების დეპარტამენტის დირექტორი. მანამდე, ნინო გიორგობიანი სახელმწიფო უსაფრთხოების სამსახურის ადმინისტრაციის უფროსის თანამდებობას იკავებდა.
საზოგადოებასთან ურთიერთობის სფეროში საქმიანობამდე, ნინო გიორგობიანს აქტიურ ჟურნალისტიკაში მუშაობის მრავალწლიანი გამოცდილება აქვს. სხვადასხვა პერიოდში იგი მუშაობდა სხვადასხვა ტელევიზიების საინფორმაციო სამსახურში.
"მეგობრებო, უკვე დავინიშნე მთავრობის ადმინისტრაციის სტრატეგიული კომუნიკაციების დეპარტამენტის ხელმძღვანელად-დიდი მადლობა პრემიერ-მინისტრს ამ ნდობისათვის.
ჩემთვის ძალიან დიდი პატივი იყო წლების განმავლობაში მემუშავა შინაგან საქმეთა სამინისტროში და სახელმწიფო უსაფრთხოების სამსახურში. ყოველთვის დავრჩები ამ უწყებების გულშემატკივარი.
განსაკუთრებული მადლობა მინდა გადავუხადო ბატონ ვახტანგ გომელაურს, იმ შესაძლებლობისთვის, რომ მასთან ერთად წლების განმავლობაში მემუშავა. ვახტანგ გომელაური არის ღირსეული ადამიანი, საუკეთესო ხელმძღვანელი და საუკეთესო მეგობარი-კიდევ ერთხელ დიდი მადლობა მას.
აქვე ვიტყვი, რომ ისევე როგორც აქამდე, ახლაც 24 საათის განმავლობაში მზად ვარ მედიასთან კომუნიკაციისთვის" - წერს გიორგობიანი "ფეისბუქზე".
"ჯერ კიდევ შეგიძლია მითხრა - "მე გავდივარ პოლიტიკიდან, ერთად დავამთავროთ", ახლაც გამოგყვები" - ხუხაშვილი ივანიშვილს მიმართავს
"ასე მოიქცეოდა ქართველი კაცების 90%, რადგან როგორც კი ლექსიკური მარაგი ამოიწურება, გადადიან გინებაზე" - რას წერს ექსპერტი ბოლოდროინდელ სკანდალზე?
