"დღესაც სახლში დიდ ლამაზ თაიგულს მოიტანდა, სულ არ აღიარებდა 8 მარტს, მაგრამ მიზეზი ექნებოდა..." - ნინო შუბლაძე გარდაცვლილ დას ემოციურ სარვამარტო პოსტს უძღვნის

ჟურნალისტი ნინო შუბლაძე გარდაცვლილ დას სოციალურ ქსელში ემოციურ სარვამარტო პოსტს უძღვნის:

"ყვავილები უყვარდა ძალიან, საავადმყოფოში პირველმა ნინუკამ მიუტანა ვარდები და იმის მერე სულ ახალ ახალ თაიგულებს გვთხოვდა, ასე სასტუმროს ნომერში მგონია თავი და კარგ განწყობაზე მაყენებსო. ჰოდა, ვასრულებდით მორჩილად მის თხოვნას და მიგვქონდა ასე პალატაში ხან მე, ხან მეგობრებს სამ დღეში ერთხელ ლამაზ ლამაზი თაიგულები. დღესაც აუცილებლად სახლში დიიდ ლამაზ თაიგულს მოიტანდა! სულ არ აღიარებდა 8 მარტს, მაგრამ მიზეზი ექნებოდა. თავად იყო დღესასწაული გოგო!", - წერს ნინო შუბლაძე.

"რუსთავი 2"-ის საინფორმაციო სამსახურის უფროსი ნინო შუბლაძის და, ქართულ-ამერიკული უნივერსიტეტის ერთ-ერთი დამფუძნებელი, არასამთავრობო ორგანიზაცია "პარტნიორები საქართველოს" დირექტორი, ტრენერი სოფო შუბლაძე კორონავირუსით გამოწვეული გართულების შედეგად 10 დღის წინ საავადმყოფოში გარდაიცვალა.

• "დავრჩით ერთის გამოტოვებით, როგორ ვიყოთ? გაუსაძლისია, ღმერთო" - რას წერს ეკატერინე ტოგონიძე ნინო შუბლაძის დის გარდაცვალებაზე