მნიშვნელოვანი ინფორმაცია
23
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვამხელ მოძალადეებს, ნეპოტიზმს, რუსეთთან კავშირებს... არ შევეგუები უსამართლობას" - ელენე ხოშტარიამ პოლიტიკური მოძრაობა "დროა" დააფუძნა
14:39 / 08-03-2021
ელენე ხოშტარიამ პოლიტიკური მოძრაობა "დროა“ დააფუძნა. როგორც ის გავრცელებულ მიმართვაში აცხადებს, ამხელს კორუმპირებულ ჩინოვნიკებს, მოძალადეებს, გამყალბებლებს, ქურდებს, ნეპოტიზმს, რუსეთთან კავშირებს და არ შეეგუება უსამართლობას.
"ჩვენ ვცხოვრობთ ერთ-ერთ ყველაზე ღარიბ და უსამართლო ქვეყანაში, რომელსაც შეუძლია იყოს წარმატებული და მდიდარი. 3-მილიონ 700 ათასიანი მოსახლეობიდან 400 ათასი სოციალურად დაუცველია, 300 ათასი მოვალეთა რეესტრშია, 600 ათასს ლომბარდის ვალი აქვს. 2012-2019 წწ-ში 760 ათასი ადამიანია ქვეყნიდან წასული.
2018 წლის "იუნისეფის“ დასკვნით, ჩვენი ქვეყნის მოსახლეობის 69% ღარიბია. კოვიდით გამოწვეული უმუშევრობის შედეგად, შესაძლოა, დამატებით 160 ათასი ადამიანი აღმოჩნდეს სიღარიბეში, ხოლო 400 ათას ადამიანს შემოსავალი შეუმცირდეს. ბოლო 8 წლის განმავლობაში სურსათზე ფასი დაახლოებით 48%-ით გაიზარდა, მედიკამენტებზე კი 65-70%-ით. 2012 წლიდან საგარეო ვალი 3-ჯერ გაიზარდა. სიცოცხლის საშუალო ხანგრძლივობით ევროპის 46 ქვეყნიდან 44-ე ადგილზე ვართ. ამ ყველაფრის პარალელურად, ნაწილ-ნაწილ ვკარგავთ სახელმწიფო ინსტიტუტებს. ჩვენთვის არ არსებობს სასამართლო, სადაც თავს დავიცავთ. პროკურატურა ივანიშვილის სურვილებს ასრულებს, პოლიცია პოლიტიკურ დავალებებს იღებს, სუს-ი კი ადამიანების შანტაჟითა და კონტროლით არის დაკავებული. პარლამენტი ერთი კაცის საქებრად შეკრებილ 96 სუბიექტს წარმოადგენს. ყველაზე დიდი ბოროტება უიმედობაა.
სახელმწიფო პროპაგანდა მუდმივად ცდილობს დაგვაჯეროს, რომ კორუფცია, გაჭირვება, უპერსპექტივობა და ოკუპაცია ჩვენი ბუნებრივი მდგომარეობა და ბედისწერაა. რა თქმა უნდა, ეს ასე არ არის. ეს ჩვენ უნდა შევცვალოთ. ჩვენი ძალისხმევით, თანმიმდევრულობით და მკაფიო გეგმით. დროა, ვაჩვენოთ ხელისუფლებას, რომ ვხედავთ, რაც ხდება და არ შევეგუებით. ვამხელ კორუმპირებულ ჩინოვნიკებს, მოძალადეებს, გამყალბებლებს, ქურდებს, კლანის წევრებს, ნეპოტიზმს, რუსეთთან კავშირებს და ყველანაირ უსამართლობას, ვამხელ და არ შევეგუები.
თქვენ შეგიძლიათ დაიცვათ თქვენი უფლებები, თქვენი ოჯახის, თქვენი სოფლის, ქალაქის, რაიონის მოსახლეობა უსამართლობისგან. თქვენ არ იქნებით მარტო, ჩვენ უსამართლობასთან მებრძოლ არცერთ ადამიანს არ დავტოვებთ მარტო. მოგვაწვდინეთ ხმა“,-აცხადებს ხოშტარია ვიდეომიმართვაში.
მკითხველის კომენტარები /
29 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაოცებს ქართული ოპოზიცია, კარგად შეუძლიათ გაჩვენონ როგორი ხიხიები არიან სხვები. როგორ ცუდად აკეთებენ სხვები ყველაფერს და როგორ კარგად იქნება ყველაფერი როცა ესენი მთავრობაში მოვლენ... არავის, არცერთ პარტიას კარგად მოფიქრებული და შემუშავებული გეგმა თუ რას გააკეთებენ მთავრობაში მოსვლის შემდეგ არ აქვს. მთავარი მიზანია ხელისუფლებაში შეცვლა იმიტომ რომ ამათი აზრით ესენი უკეთესები არიან.
რა მაგარიაა...სად შეიძლება გაწევრიანდეს კაცი? სვისტოკები გვაქვს...