27
მარტიდღის ზოგადი ასტროლოგიური პროგნოზი
ჭიათურაში, სამთო-გამამდიდრებელი კომბინატის ყოფილ შენობაში მულტიფუნქციური ცენტრის პრეზენტაცია გაიმართა.
ღონისძიების ორგანიზატორის "ჯორჯიან მანგანეზის“ ინიციატივით, თითქმის 100-წლიანი ისტორიის შენობა ახალ სიცოცხლესა და ფუნქციას შეიძენს. ე.წ ტრესტი სხვადასხვა მიმართულებით დაიტვირთება, მათ შორის, ის გააერთიანებს: სამუზეუმო სივრცეებს, მათ შორის მხარეთმცოდნეობის, ისტორიისა და ფოტოგრაფიის მუზეუმებს; ფოტოგრაფიის სკოლას; ტრენინგ, საგამოფენო და საბიბლიოთეკო სივრცეებს; პროფესიულ სასწავლო ცენტრ - „ჯმ აკადემიას“; ახალგაზრდული სკაუტების ცენტრს; რომელიც ჭიათურის ახალგაზრდებისათვის პერმანენტულად განახორციელებს ახალგაზრდულ პროექტებს; ტურისტული მიმართულების სივრცეს, მათ შორის, გიდების მოსამზადებელ ცენტრს; ბიზნესის ხელშეწყობის ცენტრს, სადაც სტარტაპერებს შესაძლებლობა ექნებათ, საინტერესო წინადადებები წარმოადგინონ, შერჩეულ პროექტებს და გამარჯვებულს კი კომპანია ხელს შეუწყობს.
პრეზენტაციას საჩხერე-ჭიათურა-ხარაგაულის მაჟორიტარი დეპუტატი პაატა კვიჟინაძე, სახელმწიფო რწმუნებული იმერეთის რეგიონში და ჭიათურის მუნიციპალიტეტის მერი, გივი მოდებაძე დაესწრნენ. მათ „ჯორჯიან მანგანეზის“ ინიციატივა დადებითად შეაფასეს და განაცხადეს, რომ მულტიფუნქციური ცენტრის პროექტებს მხარს დაუჭერენ.
ცნობისათვის, კომპანიამ შენობას სრული სარეაბილიტაციო სამუშაოები უკვე დაიწყო. სამუზეუმო სივრცის მოსაწყობად კი, მისი რეაბილიტირებული ნაწილი ჭიათურის მუნიციპალიტეტის მერიას გადაეცემა. ასევე, აღსანიშნავია, რომ "ჯორჯიან მანგანეზის" სპეციალური მმართველის, ნიკოლოზ ჩიქოვანის ინიციატივით, შენობისთვის კულტურული მემკვიდრეობის ძეგლის სტატუსის მისანიჭებლად შესაბამისი სამუშაოები მიმდინარეობს.
NS
მუზეუმებში ხალხი არ დადის სამწუხაროდ! და რაც ჩამოთვალეთ არც ეგაა ეხლა საჭირბოროტო საკითხი ამ ქალაქისათვის! ჩემი აზრით პიარია და მეტი არაფერი! ცუდი ისაა რომ ამ შენობამ დაკარგა ისტორიული ფუნქცია! ეს შენობა ბრენდი იყო ჭიათურის ! რომელიც ასოცირდებოდა ჩვენს უმდიდრეს საბადოსთან და ქალაქის შექმნასთან! ამ შენობაში უნდა მუშაობდნენ გამორჩეული ინჟინრები,ტექნოლოგები, არქიტექტორები ასევე ქვეყნის და ჭიათურის გამორჩეული ტექნიკური საქმის მცოდნე ხალხი!(გვირაბების,გზების,ჰესების,ქარხნების მშენებელი ხალხი) მომავალი ხომ ტექნიკური რევოლუციის არის!