მათთვის, ვისაც რეიტინგულ უნივერსიტეტში ჩაბარება სურს

ახლა, როცა აბიტურიენტების ყურადღება ეროვნული გამოცდების ჩაბარებასა და შესაფერისი უნივერსიტეტის შერჩევაზეა გადატანილი, ალბათ, ყველას აინტერესებს, თუ როგორ იზომება უმაღლესი სასწავლებლების რეიტინგი საქართველოში. ამ თემის ირგვლივ ხშირად მსჯელობენ, მაგრამ ქვეყანაში, ცალსახად დადგენილი კრიტერიუმის არარსებობის გამო, ხშირად, უნივერსიტეტები სუბიექტურად ადგენენ საკუთარ რეიტინგს. მაგრამ, აბიტურიენტებს აქვთ საშუალება მოიძიონ ობიექტური ინფორმაცია უნივერსიტეტების რეიტინგის შესახებ საერთაშორისო ორგანიზაციების მიერ ჩატარებული კვლევების მიხედვით, მაგალითად, საერთაშორისო ორგანიზაცია ვებომეტრიქსი, მსოფლიოში მოქმედ ყველა აკრედიტებულ უნივერსიტეტს შეისწავლის და საუნივერსიტეტო რეიტინგს წელიწადში ორჯერ აქვეყნებს. საერთაშორისო, რეპუტაციული სარეიტინგო სააგენტოების მიერ გაკეთებული რანჟირება კი, საინტერესოა. უპირველეს ყოვლისა, იმიტომ, რომ ეს სააგენტოები უნივერსიტეტების შეფასებას მრავალმხრივი შესწავლის საფუძველზე, ყველაზე დახვეწილი მეთოდოლოგიით ახდენენ. უნივერსიტეტის პერფორმანსის ამსახველ სხვადასხვა ინდიკატორს ეყრდნობინ და პერიოდულად თავად ამ კრიტერიუმების მართებულობასაც ამოწმებენ. მეორე, რაც ასევე არა ნაკლებ მნიშვნელოვანია, საერთაშორისო რეპუტაციული მარეიტინგებელი კომპანიის მიერ გაკეთებული საუნივერსიტეტო რეიტინგი დაზღვეულია სუბიექტური დამოკიდებულებებისა და რომელიმე უნივერსიტეტისადმი ყოვეგვარი მიკერძოებისგან.

საერთაშორისო ორგანიზაცია ვებომეტრიქსის 2021 წლის კვლევის თანახმად, საქართველოს უნივერსიტეტი საუკეთესო კერძო უნივერსიტეტია საქართველოში და უნივერსიტეტების ტოპ ათეულში - რეგიონის მასშტაბით.

საქართველოს უნივერსიტეტის ამ წარმატების შესახებ მეტი ინფორმაციის მისაღებად მივმართეთ უნივერსიტეტის რექტორს - კონსტანტინე თოფურიას:

„ვებომეტრიქსი უნივერსიტეტების რეიტინგის შეფასებისას იყენებს შეფასების როგორც პირდაპირ ისე ირიბ მეთოდებს. პირდაპირი მეთოდით ახდენს უნივერსიტეტის აკადემიური პერსონალის დონის შეფასებას, შეისწავლის რა მათ სამეცნიერო პუბლიკაციებს. რაც შეეხება უნივერსიტეტის მიერ ცოდნის გადაცემას და სხვა აქტივობებს, კურსდამთავრებულთა წარმატებას და ა.შ. აქ გამოყენებულია შეფასების ირიბი ინდიკატორები.

საქართველოს უნივერსიტეტის პირველობა კერძო უნივერსიტეტებს შორის გულისხმობს იმას, რომ აქ ყველაზე მაღალკვალიფიციური პროფესურაა თავმოყრილი და შესაბამისად, ქვეყანაში ყველაზე მაღალი ხარისხის განათლების მიღებაა შესაძლებელი. მაღალი ხარისხის განათლება ნიშნავს იმას, რომ ჩვენი კურსდამთავრებული არის მაღალკვალიფიციური პროფესიონალი, რომელიც მოთხოვნადია შრომის ბაზარზე როგორც საქართველოში, ისე საზღვარგარეთ. სწორედ ამაზე მეტყველებს ისიც, რომ საქარ-თველოს უნივერსიტეტი მოწინავეა კურსდამთავრებულთა დასაქმების უმაღლესი მაჩვენებლითაც. ამის შედეგია ის, რომ საქართველოს უნივერსიტეტის სტუდენტები იმარჯვებენ საერთაშორისო ოლიმპიადებზე და ამარცხებენ მსოფლიოში ყველაზე ცნობილი უნივერსიტეტების გუნდებს. ჩვენთვის ძალიან საამაყოა ეს აღიარება და დიდ მოტივაციას გვაძლევს, რომ კიდევ უფრო განვვითარდეთ ამ, ყველაზე საპასუხისმგებლო სფეროში, რომელიც ახალგაზრდების განათლებას, მათ მომავალს და შესაბამისად, ქვეყნის მომავალს ეხება” აცხადებს კონსტანტინე თოფურია.

R