"მელია არის კრიმინალი! მადლობა პოლიციას და ვახტანგ გომელაურს, ვამაყობ თქვენით" - ღარიბაშვილის პირველი კომენტარი სპეცოპერაციაზე

პრემიერ-მინისტრმა ირაკლი ღარიბაშვილმა შინაგან საქმეთა მინისტრსა და პოლიციელებს მადლობა გადაუხადა. როგორც ღარიბაშვილმა აღნიშნა, მათ დაიცვეს სახელმწიფოს ღირსება და სტაბილურობა.

როგორც პრემიერი ამბობს, ყველა ვალდებულია კანონის აღსრულებას დაემორჩილოს.

"დღეს ჩვენ გავხდით მომსწრე, რომ ჩვენ ვართ სამართლებრივი და ძლიერი სახელმწიფო. გვყავს ძლიერი პოლიცია და ეფექტური შს მინისტრი. საჯადროდ მინდა მადლობა გადავუხდაო ვახტანგ გომელაურს და პოლიციას იმისთვის, რომ მათ დაიცვეს სახელმწიფოს ღირსება და სტაბილურობა.

კიდევ ერთხელ შევახსენებ ყველას, რომ ჩვენ ვართ სამართლაბრივი სახელმწიფო. მე გუშინ ვრცლად ვისაუბრე ნიკა მელიასთან დაკავშირებით. კიდევ ერთხელ ვიტყვი, რომ მელია არის კრიმინალი! ბატონი მელია გასამართლებული იყო ბანკი "ქართუს" საქმეზე, ეს იყო მეორე საქმე, რომელზეც დღეს პოლიციამ დააკავა პროფესიონალურ დონეზე ჩატარებული ოპერაციის შედეგად.

დღეს ჩვენმა გმირმა პოლიციელებმა აჩვენეს უმაღლესი სტანდარტი, რაც არის ევროპული, ამერიკული დემოკრატიული სტანდარტების შესაბამისი. და ბოლოს გეტყვით იმას, რომ ჩვენ ყველა მოქალაქის საკუთარი აზრის გამოხატვის უფლებას დავიცავთ, მაგრამ იმ დათქმით, რომ ყველაფერი კანონის ფარგლებში უნდა იყოს. კიდევ ერთხელ მადლობა მინდა გადავუხადო შს მინისტრსა და პოლიციას, ვამაყობ თქვენით" - აღნიშნა ღარიბაშვილმა.