მნიშვნელოვანი ინფორმაცია
23
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გვინეაში ებოლას ეპიდემია გამოცხადდა - რამდენად საშიშია ახალი ეპიდაფეთქება, რომელსაც უკვე სამი ადამიანი ემსხვერპლა
09:55 / 15-02-2021
გვინეამ ოფიციალურად გამოაცხადა ებოლას ეპიდემია მას შემდეგ, რაც აღნიშნული ვირუსით სულ მცირე სამი ადამიანი გარდაიცვალა. როგორც BBC წერს, გარდაცვლილებს და კიდევ ოთხ ინფიცირებულს აღენიშნებოდათ დიარეა, პირღებინება და სისხლდენა.
გამოცემის ცნობით, გვინეას ჯანდაცვის მსოფლიო ორგანიზაცია ებოლას საწინააღმდეგო ახლად შექმნილ ვაქცინებს გადასცემს. "ჯანდაცვის მსოფლიო ორგანიზაცია სრულ მზადყოფნაშია და კონტაქტზეა ვაქცინის მწარმოებელთან, რათა მაქსიმალურად სწრაფად მიაწოდონ ვაქცინის საჭირო დოზები და ვირუსის გავრცელება თავიდან აირიდონ“, - ამბობს ჯანმოს წარმომადგენელი გვინეში, ჯორჯ კი ზებრო.
- როგორ დაიწყო ამჟამინდელი ეპიდემია?
25 წლის მედდა, რომელიც ჯანმრთელობის ერთ-ერთ ცენტრში მუშაობდა, 28 იანვარს გარდაიცვალა. გარდაცვალებიდან 4 დღეში კი მისი დაკრძალვის ცერემონია გაიმართა. მიიჩნევენ, რომ ებოლას გავრცელების ძირითადი გზა იყო რიტუალი, რომლის დროსაც ადამიანები ბანენ და ასუფთავებენ მიცვალებულს. როგორც ცნობილია, თუ გარდაცვლილი ებოლათი იყო ინფიცირებული, ცხედარი განსაკუთრებით ტოქსიკურია და მისგანაც ვრცელდება ვირუსი. ებოლას ვირუსის ინკუბაციის პერიოდი შეიძლება გაგრძელდეს ორი დღიდან სამ კვირამდე.
ჯანდაცვის წარმომადგენელთა თქმით, ებოლათი დაინფიცირებული ადამიანები, ყველანი არიან დაკავშირებულნი 25 წლის მედდის დაკრძალვასა და დაკრძალვასთან დაკავშირებულ რიტუალებთან. გვინეას ჯანდაცვის სამისნიტროში აცხადებენ, რომ ყველა ინფიცირებული იზოლირებულია და მიმდინარეობს კონტაქტების მოძიება.
- რა არის ებოლა
ეს არის ვირუსი, რომელიც თავდაპირველად იწვევს უეცარ ცხელებას, სისუსტეს, კუნთებისა და ყელის ტკივილს. ვირუსის განვითარების შემდგომი ეტაპია დიარეა, ღებინება, როგორც გარეგანი, ისე შინაგანი სისხლდენა. ვირუსი გადადის პირდაპირი შეხებით კანზე, ასევე პირის ღრუს საშუალებით, დაბინძურებულ გარემოში ყოფნის დროს. ინფიცირებულის სიკვდილს იწვევს დეჰიდრატაცია და სხვადასხვა ორგანოს ფუნქციების დაკარგავა.
ებოლა თავდაპირველად ადამიანზე დაინფიცირებული ცხოველებისგან, მაგალითად, შიმპანზესგან, ღამურებისგან და სხვა გარეული ცხოველებისგან გავრცელდა.
2013-2016 წლების პერიოდში დასავლეთ აფრიკაში ებოლას ეპიდემიამ 11 000 ადამიანი იმსხვერპლა. ეპიდემია გვინეადან დაიწყო. ვირუსის საწინააღმდეგოდ გვინეაში და მის მეზობელ ლიბერიასა და სიერა ლეონეში რამდენიმე ვაქცინა გამოსცადეს, რომლებსაც მას შემდეგ წარმატებით იყენებდნენ ამ ქვეყნებში და ასევე კონგოს რესპუბლიკაში. ახლაც მედიკოსებს იმედი აქვთ, რომ ვაქცინის საშუალებით ვირუსის კიდევ უფრო გავრცელებას თავიდან აირიდებენ.
აღსანიშნავია, რომ აფრიკაში 2016 წლის შემდეგ ებოლას ვირუსით გარდაცვალების შემთხვევები პირველად დაფიქსირდა.
წყარო:BBC.com
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ესღა გვაკლდა,გახსენით საზღვრები,ჩაკეტეთ აფრიკა :)
ჩაიკეტოს გვინეა და მორჩა.