ზესტაფონელმა მოქანდაკემ ბიძინა ივანიშვილის 65 წლის იუბილისთვის ბიუსტი დაამზადა (ფოტოები)

ზესტაფონელმა მოქანდაკემ მიხეილ ლაბაძემ ბიძინა ივანიშვილის 65 წლის იუბილისთვის ბიუსტი დაამზადა. ბიუსტის ფოტოები სოციალურ ქსელში მან თავად გაავრცელა.

"საქართველოს უახლესი ისტორიის მწერალი, ბატონი ბიძინა ივანიშვილი 18 თებერვალს 65 წლის ხდება, წინასწარ ვულოცავთ იუბილეს!" - წერს ლაბაძე სოციალურ ქსელში.

გავრცელებულ ფოტოებში კარგად ჩანს ასევე ივანიშვილების ოჯახური და ბერა ივანიშვილი პორტრეტები. AMBEBI.GE რამდენიმე წლის წინაც წერდა. ერთი შეხედვით ჩვეულებრივი იმერული ოჯახია, თუმცა მათ სახლში ბევრი უჩვეულო ნივთია. მათ ოჯახში ინახება ასევე, ექსპრეზიდენტ მიხეულ სააკაშვილის პორტრეტიც.

ოჯახში სამნი არიან, მამა და შვილები - მიხეილ, აკაკი და ციცინო ლაბაძეები. მხატვრობა, დიზაინი და ქანდაკება ლაბაძეების ოჯახის ყველა წევრმა თვითონ ისწავლა. საუკეთესო ნამუშევრად ბერა ივანიშვილის პორტრეტს მიიჩნევენ, რომლის შექმნასაც წელიწადზე მეტი დრო დაუთმეს.

"მე და ჩემი შვილები ვმუშაობთ წაბლის მასალაზე, ადამიანის სიცოცხლე ისედაც ხანმოკლეა, მინდა რომ ჩვენმა ნამუშევრებმა საუკუნეებს გაუძლოს", - ამბობდა წლების წინ AMBEBI.GE-სთვის მიცემულ ინტერვიუში მიხეილ ლაბაძე.