სპეცრაზმისა და დემონსტრანტების შეტაკება ათენში - დაკავებული სტუდენტები, გადაკეტილი ქუჩები და დახურული მეტრო...
მინიმუმ 30 ადამიანი დააკავა საბერძნეთის პოლიციამ ათენის ცენტრში მომხდარი არულობისას. სტუდენტები აქციაზე განათლების რეფორმის კანონპროექტის წინააღმდეგ გამოვიდნენ, რომელსაც პარლამენტში განიხილავენ.
აქციაზე, სადაც 4 000-მდე ადამიანი იყო შეკრებილი, დემონსტრანტებსა და სპეცრაზმს შორის შეტაკება მოხდა, რა დროსაც სამართალდამცველებმა ცრემლსადენი გაზი გამოიყენეს.
დედაქალაქის ცენტრში გადაიკეტა რამდენიმე ქუჩა და დაიხურა მეტროსადგური.
საპროტესტო მსვლელობას შეუერთდნენ უნივერსიტეტის სტუდენტები, სკოლის პედაგოგთა პროფკავშირები და სხვები, რომლებიც ითხოვენ რამდენიმე დებულება, მათ შორის პოლიციის ყოფნას კამპუსებში, ამოღებულ იქნეს კანონპროექტიდან. აქციის მონაწილეებს ბანერები ეკავათ წარწერებით: „უკან წაიღეთ კანონპროექტი“ და „არა - პოლიციის ყოფნას უნივერსიტეტში“.
აქციები პარალელურად სხვა დიდ ქალაქებშიც მოეწყო. განათლების რეფორმის ოპონენტები ამბობენ, რომ საფრთხე ემუქრება აკადემიური თავისუფლების გარანტიებს.
როგორ გადარჩა 3 ადამიანი 33 დღე უკაცრიელ კუნძულზე - "მათი ნავი ჩაიძირა, კუნძულამდე გაცურეს...ქოქოსით იკვებებოდნენ"
მარია ზახაროვა: "თქვენ რა, დაგავიწყდათ, როგორ შედიოდნენ საქართველოს პარლამენტში ვარდებით ხელში?"
