არეულობა "ევროპულ საქართველოში" - არაოფიციალური ინფორმაციით, ბაქრაძე პარტიიდან მიდის, უგულავასა და ბოკერიას შორის კი დაპირისპირებაა

უკვე რამდენიმე დღეა ვრცელდება ინფორმაცია, რომ დავით ბაქრაძე "ევროპულ საქართველოს“ ტოვებს. პარტიაში აცხადებენ, რომ დაგეგმილია რეორგანიზაცია და განახლება და მითქმა-მოთქმა ამას უკავშირდება. ბაქარაძის თქმით კი, საკადრო გადაწყვეტილებების თაობაზე ჯერჯერობით ვერაფერს იტყვის, თუმცა უახლოეს დღეებში გახდება ყველაფერი ცნობილი, მათ შორის პერსონალიებთან დაკავშირებითაც.

კულუარულად გავრცელებული ინფორმაციით, გარკვეული დაძაბულობა არის პარტიის ლიდერებს - გიგა ბოკერიასა და გიგი უგულავას შორისაც, თუმცა ამას ოფიციალურად არავინ ადასტურებს.

Ambebi.ge -ს ინფორმაციით, "ევროპულ საქართველოში“ ფინანსური პრობლემებია და გარკვეული აზრთა სხვადასხვაობა ამასაც უკავშირდება.

P.S. ტელეკომპანია "რუსთავი 2"-ის ინფორმაციით, დავით ბაქრაძემ პარტიიდან წასვლის ინფორმაცია დაადასტურა.