"პოლიციიდან მე და ჩემს მეუღლესაც დაგვირეკეს და გვაცნობეს, რომ 2000/2000 ლარით ვართ დაჯარიმებულები" - რას წერს გია ბარამიძე?

"ნაციონალური მოძრაობის" წევრი გია ბარამიძე, რომელიც რამდენიმე დღის წინ "დაუმორჩილებლობის მარშზე" იმყოფებოდა წერს, რომ "კომენდანტის საათის" დარღვევისთვის, ის და მისი მეუღლე 2000/2000 ლარით დააჯარიმეს.

"როგორც მოსალოდნელი იყო, პოლიციიდან მე და ჩემს მეუღლესაც დაგვირეკეს და გვაცნობეს რომ 2000/2000 ლარით დაჯარიმებულები ვართ, კომენდანტის საათის გაუქმების მოთხოვნით გამართულ საპროტესტო მარშში მონაწილეობის გამო.

ავუხსენი, რომ ეს მოქმედება იყო, ჩვენი პოლიტიკური პროტესტი პოლიტიკური მოტივებით მოქმედი ჩვენი ქვეყნის ეკონომიკის დამანგრეველი და ხალხის კიდევ უფრო მეტად გამაღარიბებელი შეზღუდვების წინააღმდეგ.

ამიტომ ცხადია არ ვეთანხმები ამ ჯარიმის სამართლიანობას და ვაპირებთ შესაბამისი წესით სასამართლოში გავასაჩივროთ. არა პოლიტიკურ შეზღუდვებს!" - წერს ბარამიძე,