17
ივნისიდღის ზოგადი ასტროლოგიური პროგნოზი
პანდემიის გამო საზოგადოების ნაწილი უკვე თვეებია დისტანციურად მუშაობს. ადამიანები ადაპტირდნენ შეცვლილ ცხოვრებასთან, თუმცა ყოველივეს თან ახლავს არაერთი უხერხული მომენტი, რომელიც ძირითადად კომპიუტერული ტექნოლოგიების მოხმარებასთანაა დაკავშირებული.
ერთ-ერთ ასეთ უხერხულ სიტუაციაში ახლახანს ტეხასელი ადვოკატი, როდ პონტონი მოხვდა, რომელიც ონლაინ სასამართლო სხდომას Zoom-ის საშუალებით ჩაერთო, საინტერესო კი ისაა, რომ მას კატის ფილტრი ჰქონდა მორგებული და სერიოზულ გამომეტყველებიანი ადამიანების გარემოცვაში საყვარელი ფისოს ვიზუალით გამოჩნდა.
Texas Judge Issues Zoom Warning After Lawyer Struggles With Cat Filter. via @Storyful pic.twitter.com/efLh4eEVnR
— David Clinch (@DavidClinchNews) February 9, 2021
ადვოკატს მოუწია იმის მტკიცება, რომ ნამდვილად ადამიანი იყო და არა კატა. როდ პონტონის თქმით, ის და მისი თანაშემწე ცდილობდნენ სხდომის განმავლობაში ფოლტრის გამორთვას - "მე კატა არ ვარ", - თქვა როდმა სხდომის მიმდინარეობისას.
მოგვიანებით, მოსამართლემ აღნიშნული ვიდეო გამოაქვეყნა და დაწერა: "თუ თქვენს კომპიუტერს ბავშვი იყენებს, სანამ ვირტუალურ მოსმენას შეუერთდებით, კარგად შეამოწმეთ Zoom-ის პარამეტრები და დარწმუნდით, რომ ფილტრები გამორთულია. ამ კატამ 394-ე საქმის განხილვაზე ოფიციალური განცხადება გააკეთა“, - დაწერა მოსამართლემ.
საინტერესო ისაა, რომ, "კატა ადვოკატის" გამოჩენისას სასამართლო პროცესის მონაწილე პირებს ღიმილიც კი არ მოჰგვრიათ.
ვიზუალს ქართულად გარეგნობა ქვია