მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ის მხარს უჭერდა რუსეთის მიერ საქართველოს წინააღმდეგ დაწყებულ ომს და დონბასში რუსი ნაციონალისტების მოქმედებას" - რატომ დაუპირისპირდა იავლინსკი ნავალნის
10:01 / 08-02-2021
რუსული და დასავლურ პრესა ფართოდ გამოეხმაურა პარტია "იაბლოკოს" ლიდერის გრიგორი იავლინსკის სტატიას, სათაურით: "პუტინიზმისა და პოპულიზმის გარეშე“, რომელშიც ალექსი ნავალნი და მისი საპროტესტო მეთოდებია გაკრიტიკებული. პუბლიკაცია გამოქვეყნდა გრიგორი იავლინსკის ვებ-საიტზე «Григорий Явлинский – политик, экономист», რომლიდანაც შემდეგ სხვა გამოცემებმაც გაავრცელეს, მათ შორის "მოსკოვსკი კომსომოლეცმა“, "ნოვაია გაზეტამ“ და სხვებმა.
ვრცელ სტატიაში გრიგორი იავლინსკი მიიჩნევს, რომ ალექსი ნავალნის პოლიტიკური მიმართულება - "პოპულიზმს და ნაციონალიზმს“ წარმოადგენს.
ავტორი იმოწმებს რუსეთში ნეოლიბერალური მოძრაობის დამაარსებლის ვალერია ნოვოდვორსკაიას სიტყვებს, რომელიც ჯერ კიდევ 2011 წელს მიიჩნევდა, რომ ალექსეი ნავალნი შეიძლება გახდეს "გაბოროტებული და ჭკუადაკარგული ბრბოს მომავალი ლიდერი, თანაც ნაცისტური გადახრებით“. იგი მიიჩნევდა, რომ თუ ნავალნის ხალხი გაჰყვება, მაშინ რუსეთს ფაშიზმი ემუქრება.
როგორც გრიგორი იავლინსკი წერს, 2009 წელს, როცა რუსეთში ნეონაცისტებმა უფლებადამცველი სტანისლავ მერკელოვი და ჟურნალისტი ანასტასია ბაბუროვა მოკლეს, ალექსი ნავალნიმ ნაციონალისტური "რუსული მარშის“ ორგანიზება განახორციელა. "იგი მხარს უჭერდა აგრეთვე რუსეთის მიერ 2008 წელს საქართველოს წინააღმდეგ დაწყებულ ომს და დონბასში რუსი ნაციონალისტების მოქმედებას:, - წერს ის.
"იაბლოკოს“ ლიდერის აზრით, ალექსი ნავალნის ჯგუფის მიერ გამოქვეყნებულ "ჟურნალისტურ გამოძიებებს“ საზოგადოებისათვის არანაირი პრაქტიკული შედეგი არ მოაქვს, მათ ერთადერთი მიზანი აქვთ - "პრიმიტიული სოციალური მტრობის გაჩაღება“.
სტატიის ავტორის აზრით, ბოლო ფილმი-გამოძიება, რომელიც ე.წ. "პუტინის სასახლეს“ ეხება, წარმოადგენს "ემოციების გაყიდვას, სამომხმარებლო რეკლამის ტექნოლოგიების შესაბამისად“. პოლიტიკოსი ასევე აღნიშნავს, რომ თემები, რომლებსაც ალექსი ნავალნი ირჩევს რუსეთის ხელისუფლების ე.წ. "მხილების“ მიზნით, იმის თქმის ნებას იძლევა, რომ რუსულ ელიტაში "ჩუმი დაპირისპირება მიმდინარეობს“. მაგრამ რადგანაც რუსეთში პარაქტიკულად ყველა დარწმუნებულია გიგანტური კორუფციის არსებობაში, ნავალნის "მხილებები“ პოზიტიურად აღიქმება. გარდა ამისა. ნავალნი წარმატებით სარგებლობს რუსეთის მოსახლეობის კეთილდღეობის დონის დაცემით: იგი აჩვენებს მდიდრულ სახლებს იმ დროს, როცა რიგითი მოქალაქეები გაჭირვებაში არიან (ლოზუნგით "მშვიდობა ქოხებს“, "ომი სასახლეებს!“). მოკლედ, სახეზეა წმინდა წყლის პოპულისტური მეთოდები", - წერს გრიგორი იავლინსკი.
იმავდროულად, "იაბლოკოს“ ლიდერი აღნიშნავს, რომ აუცილებელია ყოველმხრივი საერთაშორისო გამოძიების ჩატარება ალექსი ნავალნის მოწამვლის თაობაზე: გამოდის, რომ რუსეთში არსებობს "სიკვდილის ესკადრონი“, რომელიც ხელისუფლების დავალებით პოლიტიკურ ოპონენტებს ტერორს უწყობს.
"მოკლედ, დაუჭიროს თუ არ დაუჭიროს მხარი ვინმემ ალექსი ნავალნის, როგორც პოლიტიკოსს, თითოეულმა თვითონ უნდა გადაწყვიტოს, მაგრამ ასევე თითოეულმა უნდა იცოდეს: დემოკრატიული რუსეთი, ადამიანისადმი პატივისცემა, თავისუფლება, ცხოვრება შიშისა და რეპრესიების გარეშე ალექსი ნავალნის პოლიტიკასთან შეუთავსებელია. ისინი პრინციპულად სხვადასხვა მიმართულებებს წარმოადგენენ“, - ხაზგასმულია პუბლიკაციაში.
გრიგორი იავლინსკის სტატიამ სოციალური ქსელების რუსულ სეგმენტში საკმაოდ უარყოფითი შსეფასება დაიმსახურა. "ნავალნისტები“ თვლიან, რომ მან ოპოზიციის იდეალებს "უღალატა“, სხვები კი დარწმუნებულნი არიან, რომ "იაბლოკოს“ ლიდერს სტატიის გამოქვეყნება კრემლმა დაუკვეთა.
სანკტ-პეტერბურგის ექს-მერმა და სახელმწიფო სათათბიროს ყოფილმა დეპუტატმა ევგენი როიზმანმა განაცხადა, რომ იგი უარს ამბობს პარტია "იაბლოკოს“ სახელით კვლავ კენჭი იყაროს სახელმწიფო სათათბიროს წევრობაზე. "ჩემი შესაძლებლობები ამ სტატიის გამო ძალიან შეიზღუდა. ახლა იძულებული ვარ სხვა ვარიანტებზე ვიფიქრო“, - თქვა მან.
მოამზადა სიმონ კილაძემ
მკითხველის კომენტარები /
49 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საკმაოდ ნათელი და ობიექტური ანალიზია რუსეთში მიმდინარე პროცესების.... ნავალნი არის გამოძახილი "მშვიდობა და სოლიდარობის" სახელით მოტანილი ომების და ნგრევის
ნავალნი ქოცების მოკავშირეა