მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რა დაემართა ჩინელ მსახიობს ცხვირის ოპერაციის შემდეგ - "გამიჩნდა ნეკროზი, ცხვირის წვერზე ქსოვილი უბრალოდ მოკვდა" (ფოტოები)
12:30 / 05-02-2021
თანამედროვე მსოფლიოში სულ უფრო მეტი ადამიანი მიმართავს პლასტიკურ ქირურგიას. დღეს უკვე შესაძლებელია გქონდეს საოცნებო გარეგნობა, თუმცა უმნიშვნელოვანესია პროფესიონალთან ვიზიტი, წინააღმდეგ შემთხვევაში, შესაძლოა, ოპერაცია სანანებლად გაგიხდეთ.
სწორედ ამის შესახებ აფრთხილებს საზოგადოებას ჩინელი მსახიობი ჩაო ლუ და აქვეყნებს ფოტოებს, რომლებზეც ის პლასტიკური ოპერაციის შემდეგ, დაზიანებული ცხვირითაა აღბეჭდილი.
ჩაო ლუ მომღერალი და მსახიობია, რომელსაც მონაწილეობა აქვს მიღებული სხვადასხვა ფილმსა და სატელევიზიო შოუში და თავის ქვეყანაში ამომავალ ვარსკვლავს უწოდებენ. ბოლო თვეებში ის სრულიად გაქრა ეკრანიდან და მიზეზი ყველას აინტერესებდა. ჩინეთში პოპულარულ სოციალური ქსელის პლატფორმაზე, Weibo-ზე მან განმარტა, რომ თვეების განმავლობაში არასწორად გაკეთებული ცხვირის პლასტიკური ოპერაციის გამო ვერ ჩნდებოდა. მისი თქმით, ოპერაციის გამო მას ცხვირის ნეკროზი გაუჩინა - ცხვირის წვერზე კანის ქსოვილი მოკვდა.
აღნიშნულის დამადასტურებელი ფოტოები მსახიობმა თავი 5-მილიონზე მეტს გამომწერს გაუზიარა, რის შემდეგაც, კიდევ უფრო მკვეთრად გაძლიერდა დისკუსია პლასტიკურ ოპერაციებთან დაკავშირებით.
მსახიობის თქმით, ოქტომბერში მეგობარმა გააცნო პლასტიკური ქირურგი, რომელიც გუანჯოუს ერთ-ერთ კლინიკაში მუშაობდა და მანაც ცხვირის პლასტიკური ოპერაციის გაკეთება გადაწყვიტა. ოპერაცია ცხვირის უმნიშვნელო კორექციას ითვალისწინებდა. გოგონა თვლიდა, რომ ყოველივე მისი კარიერისთვის აუცილებელი იყო.
"პროცედურა 4 საათს გაგრძელდა. ვფიქრობდი, რომ ამ 4 საათის შემდეგ მე უფრო ლამაზი გავხდებოდი. ვერ წარმოვიდგენდი, რომ ეს ოთხი საათი კოშმარად მექცეოდა“, - ამბობს ლუ და ყვება, რომ ოპერაციის შემდეგ მისი ცხვირის არე თვეების განმავლობაში მუდმივად გაღიზიანებული იყო - "ცხვირის წვერზე კანი გახდა უფრო შავი, მუქი, ცხვირი კი - ნეკროზული", - ამბობს მსახიობი.
ამბობს, რომ დაზიანების მოცულობიდან გამომდინარე ჯერჯერობით რეკონსტრუქციის ჩატარება შეუძლებელია და სავარაუდოდ, ახალი ოპერაციის გაკეთება 1 წლის შემდეგ შეეძლება.
ახალი ამბების სააგენტო The Paper-მა გამოაქვეყნა კვლევა, რომლის მიხედვითაც კლინიკას, სადაც მსახიობმა ოპერაცია გაიკეთა, 2020 წლის მარტიდან ოქტომბრამდე პერიოდში 5 ადმინისტრაციული ჯარიმა ჰქონდა დაკისრებული, თუმცა კონკრეტულად რა დარღვევებისთვის, უცნობია.
როგორც BBC წერს, პლასტიკური ქირურგია იმდენად პოპულარულია ჩინეთში, რომ ადამიანების დიდი ნაწილი მას სკოლის დამთავრებისთანავე მიმართავს და თვლიან, რომ ოპერაციის შემდეგ უფრო გაიზრდება მათი წარმატების შანსი როგორც კარიერაში, ასევე სასიყვარულო ურთიერთობებში. სხვადასხვა კვლევების მიხედვით, ჩინეთი სავსეა პლასტიკური ქირურგიის არაკვალიფიციური კლინიკებით.
წყარო: BBC.com
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მედ. ჩინა
ბატონებო, გგონიათ მსოფლიოში ყველაზე გავრცელებული სამი სიტყვა ,,I LOVE YOU,,-ა? ნურას უკაცრავად... ეს სამი სიტყვაა ,,MADE IN CHINA,,.