მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ეგვიპტეში აღმოაჩინეს მუმიები ოქროს ენით - რას უკავშირებენ მეცნიერები ფაქტს და კიდევ რა ინახებოდა უნიკალურ სამარხში
12:58 / 04-02-2021
არქეოლოგებმა ეგვიპტის ჩრდილოეთ ნაწილში აღმოაჩინეს დაახლოებით 2 000 წლის წინანდელი სამარხი მუმიებით, რომელთაგანაც ზოგიერთს ოქროს ენა აღმოაჩნდა. ამის შესახებ BBC ეგვიპტის სიძველეთა სამინისტროზე დაყრდნობით წერს.
არქეოლოგები მუშაობდნენ ტაპოსირის მაგნაზე, რომელიც უმნიშვნელოვანესი ძეგლია და რომელსაც არაერთი სხვა აღმოჩენაც უკავშირდება. მკვლევარებმა სულ 16 სამარხი იპოვეს. აცხადებენ, რომ სამარხები ისეთია, როგორიც ძველ ბერძნულ-რომაულ ეპოქაში იყო პოპულარული.
მეცნიერები ფიქრობენ, რომ გარდაცვლილებს პირში ოქროს ამულეტებს უდებდნენ, რადგანაც მათ სიკვდილის შემდეგ ღმერთ ოსირისის კარზე საუბარი შესძლებოდათ.
ძველ ეგვიპტელებს სჯეროდათ, რომ ოსირისი მიწისქვეშა სამყაროს მბრძანებელი და გარდაცვლილთა მსაჯული იყო. ძველ ეგვიპტურ მითოლოგიაში ის ერთ-ერთ უმთავრეს ღვთაებად მიიჩნევა. ეგვიპტელებს სწამდათ, რომ დასავლეთის კარიბჭესთან, მაღალ ტახტზე იჯდა ოსირისი. სიკვდილის ღმერთს მასთან გარდაცვლილები მიჰყავდა, რომლებიც შემდეგ სიტყვებს წარმოთქვამდნენ: მე ხალხისთვის ბოროტება არ მომიტანია, არ მიქურდავს, არ მიყაჩაღია და ა.შ.
აღსანიშნავია, რომ სამარხებში აღმოაჩინეს მარმარილოს 8 ქანდაკება, რომლებიც გარდაცვლილთა ვიზუალის მიხედვით უნდა იყოს შექმნილი. გარდა ამისა, აღმოჩენილია ქალის სამგლოვიარო საბურავი, რვა სხვადასხვა ზომის ოქროს ნაჭერი და სხვა ნივთები, რომლებიც ამ ეტაპზე კვლევის საგანია.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქ იმდენად ბინძური ენა აქვთ ხალხს ერთმანეთის მიმართ, მაგი თუ უშველის
ნიკა გვარამიას რას ჩაუდებენ თავის დროზე?