"საკურთხეველთან ყავარჯნით მისვლაზე არც ერთი პატარძალი არ ოცნებობს, მაგრამ..." - ქართველი წყვილი, რომელმაც ერთმანეთზე რამდენჯერმე იქორწინა

თამუნა მატათაშვილმა თავის რჩეულზე, გოგა ერაძეზე პირველად 14 წლის წინ იქორწინა. ქორწილი ვიწრო წრეში რამდენიმე მეგობრის თანხლებით აღნიშნეს. პატარძალი საკურთხევლამდე ყავარჯნით მივიდა და აქედან დაიწყო მისი არასტანდარტული ქორწილების სერია, რომელიც წლებია დიდ დღესასწაულად იქცა მეგობრებისთვის და ახლა უკვე წყვილის შვილებისთვისაც.

თამუნა მატათაშვილი wedder.ge-სთან მისი ოჯახის უჩვეულო ტრადიციისა და ქორწინებიდან ქორწინებამდე გასათვალისწინებელი 14 მნიშვნელოვანი წესის შესახებ ყვება:

• წესი #1

საკურთხეველთან ყავარჯნით მისვლაზე არც ერთი პატარძალი არ ოცნებობს. შემეძლო დაქორწინება გადამედო და დავლოდებოდი რეაბილიტაციის პერიოდს მანამ, სანამ ისევ თავისუფლად შემეძლებოდა გადაადგილება, მაგრამ სწორედ მაშინ შევიმუშავე პირველი წესი: თუ გულით გსურს, დამაბრკოლებელი გარემოებები მხოლოდ ფაქტებია და არა ორიენტირი, რომელსაც უნდა დაეყრდნო და გეგმები შეაცვლევინო!

• წესი #2

პირველი საქორწინო ცერემონია განაჩენი არ არის. მუდმივად შეგიძლია დაკორექტირება და ისეთი ქორწილის გადახდა, როგორიც გინდა. ქორწინების იუბილე ზუსტად ისეთ მხიარულ ყოველწლიურ დღესასწაულად შეგიძლია აქციო, როგორიცაა დაბადების დღე. ყველაფერი წყვილის სურვილზეა დამოკიდებული.

• წესი #3

ზოგჯერ მეკითხებიან ხოლმე, ქორწინების იუბილის თეთრი კაბით გადახდა პასუხისმგებლობების შესახსენებლად მჭირდება თუ არა. მე კი ვპასუხობ, რომ ეს დამოკიდებულია იმაზე, თუ რა პრიზმაში გვინდა დავინახოთ. ეს დღე პასუხისმგებლობებთან ერთად განა სიყვარულის ხელახლა შეფიცვის უზენაესოებასაც არ გულისხმობს? მე ყოველ ჯერზე ზუსტად ისე მიკანკალებს მუხლები როგორც მაშინ , როცა პირველად დავთანხმდი გოგას ცოლობაზე ...

• წესი #4

ძალიან მნიშვნელოვანია ყველა იმ ეტაპის ადეკვატურად აღქმა, რა ეტაპზეც იმყოფებით. ზოგიერთ წყვილს (უმეტესად,ახლადშექმნილ ოჯახებს) აქვთ ხოლმე განცდა, რომ მათი თანაცხოვრება მხოლოდ რუტინისგან შედგება და ისეთი ყოფითი საკითხები, როგორიცაა ,,პური, ზეთი, საპონი, ტუალეტის ქაღალდი’’ ,,ჭამს’’ რომანტიკას. ასე ფიქრი საშიშია, მეგობრებო! აუცილებელია იმის გააზრება, რომ ქორწინებაშიც ვერ გავექცევით ყოფით თემებზე ზრუნვას, და ეს ქორწინებას კი არ ,,ჭამს’’, არამედ ორგანიზებულს ხდის.

• წესი #5

"პური, ზეთი, საპონი, ტუალეტის ქაღალდის" გარდა, უნდა არსებობდეს სხვა მნიშვნელოვანი სასაუბრო თემები და მოვლენები თქვენს ცხოვრებაში. ერთად უნდა შეიქმნას და დაგროვდეს ბევრი საინტერესო ამბავი და ქორწინებაში წყვილი გაიზარდოს.

• წესი#6

წყვილებისგან ზოგჯერ მსმენია "მე შენ ცხოვრება შემოგწირე" სამდურავი. არადა მტკიცედ მჯერა, რომ არავინ ითხოვს მსხვერპლად შეწირვას და მით უმეტეს, შემდეგ ამაზე წლობით გოდების მოსმენას.მეორე ნახევარს სჭირდებით გაფურჩქნილი, ბედნიერი და არა "შეწირულ" წლებზე სახე ჩამოხოკილი. მნიშვნელოვანია სწორი პოზიციონირება და განსაზღვრა იმისა, რომ გარდა წყვილისა, თქვენ კვლავ რჩებით ინდივიდებად, საკუთარი სურვილებითა და მისწრაფებებით. ამიტომაც იზრუნეთ მათ გამოვლენასა და განვითარებაზე.

• წესი#7

ბავშვების ყოლა არის ერთ-ერთი ყველაზე მთავარი გადაწყვეტილება, რომელსაც წყვილი იღებს. თუმცა, ამ ეტაპზეც მნიშვნელოვანია, რომ მხოლოდ ბავშვები არ გახდეს საზრუნავი და არ დაკარგონ მათ წყვილში ფუნქციები. ზოგჯერ ისეც ხდება, რომ როცა ბავშვები იზრდებიან და მშობლებისგან ზრუნვა აღარ სჭირდებათ, წყვილს აღარაფერი აქვს ერთმანეთთან სასაუბრო და განსახილველი წაიკითხეთ ვრცლად და ნახეთ ფოტოები