ჯანდაცვის სამინისტროში კოვიდთან დაკავშირებული ხარჯების კანონთან შესაბამისობას აუდიტის სამსახური შეისწავლის

აუდიტის სამსახური ჯანდაცვის სამინისტროში კოვიდთან დაკავშირებული ხარჯების კანონთან შესაბამისობის შესწავლის მიზნით აუდიტის ჩატარებას აპირებს.

გასული წლის 31 დეკემბერს, სახელმწიფო აუდიტის სამსახურის გენერალური აუდიტორის, ერეკლე მექვაბიშვილის ბრძანებით, დამტკიცდა “სახელმწიფო აუდიტის სამსახურის 2021 წლის აუდიტორული საქმიანობის წლიური გეგმა”, რომლის თანახმადაც განისაზღვრა 22 შესაბამისობის (თემატური) აუდიტის ჩატარება, მათ შორის Covid-19 პანდემიის საპასუხოდ ჯანდაცვის სისტემაში განხორციელებული სახელმწიფო შესყიდვების შესაბამისობის აუდიტი (2020-2021 ივნისი).

“შესაბამისობის აუდიტის მიზანია აუდიტის ობიექტის ოპერაციებისა და საქმიანობის შესაბამისობის შეფასება კანონმდებლობასთან, მარეგულირებელ ნორმებთან, სახელშეკრულებო და საგრანტო მოთხოვნებთან, ასევე ორგანიზაციულ პოლიტიკებთან და პროცედურებთან. შესაბამისობის აუდიტი საშუალებას იძლევა ყურადღება გამახვილდეს უფრო მაღალი რისკის მატარებელ და აქტუალურთემებზე. 2021 წლის აუდიტორული გეგმით განისაზღვრა 22 შესაბამისობის (თემატური) აუდიტის ჩატარება, მათ შორის Covid-19 პანდემიის საპასუხოდ ჯანდაცვის სისტემაში განხორციელებული სახელმწიფო შესყიდვების შესაბამისობის აუდიტი (2020-2021 ივნისი). აუდიტის მიზანია შეისწავლოს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და მის სისტემაში შემავალი ერთეულების მიერ პანდემიის საპასუხოდ განხორციელებული შესყიდვების კანონმდებლობასთან და სხვა მარეგულირებელ ნორმებთან (კრიტერიუმებთან) შესაბამისობის საკითხები”, - ვკითხულობთ დოკუმენტში. წყარო

ცნობისათვის:

სახელმწიფო აუდიტის სამსახურის აუდიტორული საქმიანობის წლიური გეგმა განისაზღვრება ორგანიზაციის სტრატეგიული განვითარების გეგმის და აუდიტორული საქმიანობის პრიორიტეტების მიხედვით. გეგმის მიზანია, სამსახურის აუდიტორული საქმიანობა ორიენტირებული გახადოს საჯარო ფინანსების მნიშვნელოვან საკითხებზე და ხელი შეუწყოს ორგანიზაციის არსებული რესურსების სწორ განაწილებას. სახელმწიფო აუდიტის სამსახური აუდიტორული საქმიანობის წლიური გეგმის შედგენისას ეყრდნობა აუდიტების შერჩევის რისკებზე დაფუძნებული მიდგომის კრიტერიუმებს. 2 გარდა ამისა, აუდიტის სამსახური ითვალისწინებს დაინტერესებული მხარეების მიერ წარმოდგენილ მოსაზრებებსა და ინიციატივებს. დაგეგმვის პროცესში სამსახური ხელმძღვანელობს აუდიტორული საქმიანობის წლიური გეგმის შედგენის რისკებზე დაფუძნებული მეთოდოლოგიით, რომელიც ითვალისწინებს საჯარო სექტორის ფინანსური მართვის სისტემის ეფექტიან ფუნქციონირებაზე უწყების/პროგრამის მნიშვნელობის ზეგავლენასა და გამოვლენილი რისკების რეალიზების ალბათობას.