მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"30 წამი მჯეროდა, რომ მე მოვკალი ჩემი შვილი მისი მამის დაბადების დღეზე..." - თათია შარანგია უმძიმეს შემთხვევას იხსენებს
17:59 / 29-01-2021
ტელეწამყვანი თათია შარანგია გადაცემა "სთორის" ახალ სეზონზე თავად მოგვევლინა რესპონდენტის ამპლუაში და წამყვან ვახო სანაიას შეკითხვებზე გასცა პასუხი. თათიამ გაიხსენა რამდენიმე თვის წინ მომხდარი ინციდენტი, როდესაც მისი მცირეწლოვანი ვაჟი სასწაულებრივად გადაურჩა სიკვდილს.
შარანგიას თქმით, შემთხვევა 18 აგვისტოს მოხდა, მისი მეუღლის სანდრო შელიას დაბადების დღეზე, რომელიც წყვილმა და მათმა შვილებმა აუზზე აღნიშნეს. სწორედ მაშინ, 3 წლის ანდრუშა წყალში ჩავარდა და ბავშვი აუზიდან ფაქტობრივად მომაკვდავი ამოიყვანეს... თუმცა, შარანგიას შვილი სიკვდილს ახალგაზრდა მამაკაცმა გადაარჩინა.
"18 აგვისტოს ღამით, დგებოდა სანდროს დაბადების დღე და უცებ ანდრუშამ თქვა: ეს ჩემი დაბადების დღეა და უნდა ჩავაქრო სანთელი... არ მივაქციე მაშინ ყურადღება ამ სიტყვებს. მართლაც, მან ჩააქრო სანთელი და თქვა, რომ მამამ აჩუქა ეს დაბადების დღე... დღეს თამამად ვამბობ, რომ მართლა ეს არის მისი დაბადების დღე და მოვყვები, რატომაც...
როდესაც გათენდა 18 აგვისტო, გადავწყვიტეთ ოჯახურად აღგვენიშნა, სამივე ბავშვი, მე და სანდრო წავედით აუზზე. ბავშვები წყალში თამაშობდნენ, ანდრუშას ეკეთა საცურაო ჟილეტი და მშვიდად ვგრძნობდი თავს, ვერანაირად საფრთხეს ვერ ვხედავდი. მართლა ვერ ვიხსენებ, ის 1 წუთი სად ვიხედებოდი, არც ტელეფონი მეჭირა ხელში, არც ყავას ვსვამდი... უცებ არანორმალური ხმა მესმის ჩემი შვილის, სანის: დე, ანდრუშა! და როცა გამოვიხედე, ერთადერთი, რაც შემიძლია გავიხსენო - ჩემი ხუჭუჭა შვილი წყლის ზედაპირზე ტივტივებდა... ეს არის, რაც მახსოვს...
ამოვიყვანე უსიცოცხლო, ლურჯი იყო, სიცოცხლის არანაირი ნიშანწყალი არ ეტყობოდა... ხალხს ვთხოვდი - მიშველეთ, დამეხმარეთ! მოდიოდნენ და ამ სილურჯეს რომ ხედავდნენ, ყველა მაღლა სწევდა ხელს... ყველას თვალებში ვცდილობდი წამეკითხა - ცოცხალია შენი შვილი. ვიძახდი, ვყვიროდი: სანდროს დაუძახეთ! მან იცის პირველადი დახმარება! 30 წამი მჯეროდა, რომ მე მოვკალი ჩემი უყურადღებობით ჩემი შვილი, და მე ჩემი შვილი მოვკალი მისი მამის დაბადების დღეს...
...მერე მახსოვს, რომ მორბის ბიჭი თეთრი პერანგით, მოვარდა დაკიდა ფეხებით და სიცოცლის ნიშნები გამოუჩნდა ბავშვს. ლუკა მურვანიძის მადლობელი ვიქნები მთელი დარჩენილი ცხოვრება, რომელმაც გადაარჩინა ჩემი შვილი და მართლა ამ დღეს დაიბადა ჩემი შვილი ხელახლა! ჩემს თვალწინ, ლურჯ კიდურებს დაუბრუნდა ფერი, სახეს ნელ-ნელა დაუბრუნდა ფერი...
ნახევარი წუთი წყვეტს ყველაფერს... ყველას გთხოვთ, გაატარეთ მათთან დრო, ერთი წამით არ დატოვოთ, მით უმეტეს როცა პატარა ბავშვია... მივხვდი, რომ ძალიან ვყვარებივარ ღმერთს და არაფერი მაქვს საწუწუნო, თუმცა მე ეს საშინელება გავიარე..." - ტირილით გაიხსენა უმძიმესი ისტორია თათია შარანგიამ.
მკითხველის კომენტარები /
13 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამ გოგოს ვუსმენდი 30 წამი და რომ თქვა ინგა გრიგოლია ჩემი უსაყვარლესი ჟურნალისტიაო, აი, მანდ დამთავრდა ჩემთვის ეგ გადაცემაც და ამ ქალის მიმართ სიმპათიაც.
ნაცების ტელევიზიაშ მუშაობს და რა გასაკვირია ინგას ასახელებს საუკეთესო ჟურნალისტად