ავსტრიელები ქვეყნიდან გაძევებული ქართველი ოჯახის უკან დაბრუნებას ითხოვენ - რა მოხდა ვენაში?

ავსტრიელები ქვეყნიდან გაძევებული ქართველების, დედისა და მისი ორი შვილის სასწრაფოდ უკან დაბრუნებას მოითხოვენ. როგორც ადგილობრივი მედია იუწყება, ოჯახი ძალის გამოყენებით ვენიდან გვიან ღამით, აქციების ფონზე გამოუშვეს.

ამის შესახებ "ფეისბუქის" პირად გვერდზე ჟურნალისტი მიხეილ ხაჩიძეც წერს.

მომხდარს ავსტრიის პრეზიდენტი გამოეხმაურა და განაცხადა, რომ ასეთი მეთოდები მიუღებელია.

"ეს დეპორტაცია სრულიად მანადგურებს. არ შემიძლია და არც მინდა დავიჯერო, რომ ჩვენს ქვეყანაში ასეთი მეთოდები საჭიროა“, -განაცხადა პრეზიდენტმა ალექსანდრ ფან დერ ბელენმა.

მომხდარი სხვა პოლიტიკოსებმაც დაგმეს. დეპორტაციის წინააღმდეგ ვენაში ბავშვებიც გამოვიდნენ, მათ, პედაგოგებთან ერთად, თანაკლასელების ქვეყნიდან გაძევება გააპროტესტეს.

როგორც ირკვევა, ოჯახი ავსტრიაში არალეგალურად წლების განმავლობაში ცხოვრობდა.

• იხილეთ ასევე: "ავსტრიელები ამბობენ, - ტერორისტებს აძლევენ მოქალაქეობას, ჩვენთან ინტეგრირებულ ადამიანებს კი ყრიანო" - ქართველი ოჯახის გამოძევებისა და მათი მხარდამჭერი აქციების დეტალები