მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ჯოს გაფრთხილება პუტინს - აშშ-ისა და რუსეთის პრეზიდენტების პირველი სატელეფონო დიალოგი: რაზე ისაუბრეს ბაიდენმა და მისმა რუსმა კოლეგამ
09:36 / 27-01-2021
აშშ-ის პრეზიდენტმა ჯო ბაიდენმა რუსეთის პრეზიდენტ ვლადიმერ პუტინთან პრეზიდენტის რანგში პირველი სატელეფონო საუბარი გამართა. როგორც თეთრი სახლის განცხადებაშია აღნიშნული, საუბარი შეეხებოდა რუსეთის მხრიდან აშშ-ის არჩევნებში ჩარევას და პუტინმა ამ თვალსაზრისით თეთრი სახლისგან გაფრთხილება მიიღო.
საუბრისას მხარეებმა ასევე განიხილეს რუსეთში მიმდინარე ოპოზიციის საპროტესტო აქციები და ალექსეი ნავალნის საკითხი. კრემლის მიერ გავრცელებულ ოფიციალურ განცხადებაში აღნიშნულია, რომ ვლადიმერ პუტინმა ამერიკელ კოლეგას საპრეზიდენტო არჩევნებში გამარჯვება მიულოცა და ორივე მხარე ურთიერთობის გაგრძელებაზე შეთანხმდა.
- რას აცხადებენ ბაიდენისა და პუტინის სატელეფონო საუბრის შესახებ თეთრ სახლში და კრემლში?
თეთრი სახლის განცხადების თანახმად, შეერთებული შტატები იმოქმედებს ეროვნული ინტერესების დასაცავად რუსეთის ქმედებების საპასუხოდ:
”პრეზიდენტმა ბაიდენმა გარკვევით განაცხადა, რომ შეერთებული შტატები მტკიცედ იმოქმედებს ეროვნული ინტერესების დასაცავად რუსეთის ქმედებების საპასუხოდ, რომლებიც ზიანს გვაყენებს ჩვენ ან ჩვენს მოკავშირეებს”, - ნათქვამია თეთრი სახლის მიერ გავრცელებულ განცხადებაში.
ასევე აღნიშნულია, რომ ორმა პრეზიდენტმა განიხილა SolarWinds- ზე განხორციელებული მასიური კიბერშეტევა, რუსეთის მიერ ავღანეთში ამერიკელი ჯარისკაცების ლიკვიდაციის სანაცვლოდ დაწესებული ჯილდოსა და ალექსეი ნავალნის მოწამვლის საკითხები.
სატელეფონო საუბრის შესახებ კრემლის პრესსამსახურის მიერ გავრცელებულ ინფორმაციაში კი აღნიშნულია, რომ ვლადიმერ პუტინმა ორ ქვეყანას შორის ურთიერთობების ნორმალიზების მნიშვნელობაზე ისაუბრა.
"მან აღნიშნა, რომ რუსეთსა და შეერთებულ შტატებს შორის ურთიერთობების ნორმალიზება დააკმაყოფილებს ორი ქვეყნის ინტერესებს, ასევე, მსოფლიოში უსაფრთხოებისა და სტაბილურობის შენარჩუნების კუთხით მათი განსაკუთრებული პასუხისმგებლობის გათვალისწინებით, მთლიანი საერთაშორისო საზოგადოების ინტერესებსაც,“- ნათქვამია კრემლის მიერ გავრცელებულ ინფორმაციაში.
მათივე შეფასებით, ”მთლიანობაში, რუსეთისა და შეერთებული შტატების ლიდერებს შორის საუბარი საქმიანი და გულწრფელი ხასიათის იყო”.
ამასთან, კრემლის ინფორმაციით, პრეზიდენტებმა New Start-ის ხელშეკრულების გახანგრძლივებაზე შეთანხმებას მიაღწიეს, რომელიც შეიარაღების კონტროლს შეეხება და რომლის ვადაც თებერვალში იწურება.
ცნობისთვის, აშშ-ის ყოფილ პრეზიდენტ დონალდ ტრამპს და მის ადმინისტრაციას ხშირად აკრიტიკებდნენ რუსეთთან შეერთებული შტატების პოზიციების დასუსტების გამო. ამასთან, ისიც აღსანიშნავია, რომ თავად ჯო ბაიდენის პოლიტიკურ წარსულში ხშირია მისი მხრიდან პუტინის კრიტიკის ფაქტები. ერთ-ერთი კომენტარის დროს ჯომ რუსეთის პრეზიდენტს "КГБ-ს თაღლითი" უწოდა.
მკითხველის კომენტარები /
34 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბაიდენმა თუ გააფრთხილა მაშინ პუტინს შეეშინდება, კი ნამდვილად
მიდი სეხნი, მიაწექი, მაგისი ღდინი არ იყოს...