რომელ ქვეყნებში გარდაიცვალა კორონავირუსით ყველაზე მეტი ადამიანი და როგორი ვითარებაა ამ მხრივ საქართველოსა და მეზობელ ქვეყნებში

მსოფლიო კორონავირუსის პანდემიას 2020 წლის 11 მარტიდან ებრძვის. ამ დრომდე გლობალური მასშტაბით, ვირუსით 99,7 მილიონი ადამიანი დაინფიცირდა და მათ შორის 2,1 მილიონი გარდაიცვალა.

ინფიცირებულთა რაოდენობის მიხედვით მსოფლიოს პირველი ათი ქვეყანა ასეთია - აშშ, ინდოეთი, ბრაზილია, რუსეთი, დიდი ბრიტანეთი, საფრანგეთი, ესპანეთი, იტალია, თურქეთი და გერმანია.

ჯონ ჰოპკინსის უნივერსიტეტის მკვლევართა ჯგუფი აქვეყნებს კვლევას, სადაც აღნუსხულია მონაცემები კორონავირუსით სიკვდილიანობასთან დაკავშირებით.

თავდაპირველად ვნახოთ როგორია COVID-19-ით გარდაცვალების პროცენტული მაჩვენებელი იმ ხუთ ქვეყანაში, სადაც ყველაზე მეტი ინფიცირებულნი არიან.

• აშშ

აშშ-ში კორონავირუსით გამოწვეული სიკვდილოანობის მაჩვენებელი შეადგენს ინფიცირებულთა რაოდენობის 1,7 %-ს. ქვეყანაში ამ დროისთვის 25,7 მილიონი ინფიცირებულია აღწერილი და მათ შორის, 429 490 პაციენტი გარდაიცვალა.

• ინდოეთი

ინდოეთში კორონავირუსით გამოწვეული სიკვდილიანობის მაჩვენებელი 1,4%-ია. საერთო ჯამში, იქ 10,6 მილიონი შემთხვევაა აღწერილი და გარდაცვლილია 153 508 პაციენტი.

• ბრაზილია

ბრაზილიაში გარდაცვალების პროცენტული მაჩვენებელი 2,5%-ია. ქვეყანაში ვირუსის 8,8 მილიონი შემთხვევაა გამოვლენილი და 217 081 პაციენტია გარდაცვლილი.

• რუსეთი

რუსეთში კორონავირუსით გარდაცვალების მაჩვენებელი 1,9%-ია. ოფიციალური ინფორმაციით, იქ ვირუსის 3,7 მილიონი შემთხვევაა გამოვლენიი და მათ შორის 217 081 პაციენტი გარდაცვლილია.

• დიდი ბრიტანეთი

რაც შეეხება დიდ ბრიტანეთს, რომელიც ინფიცირებულთა რაოდენობის მიხედვით მსოფლიოში მეხუთე ადგილს იკავებს, იქ ვირუსით გარდაცვალების მაჩვენებელი 2,7 %-ია. სულ გამოვლენილია 3,6 მილიონი შემთხვევა და მათ შორის, გარდაიცვალა 97 939 პაციენტი.

როგორც ზემოთ აღვნიშნეთ, ეს იყო იმ ქვეყნების ხუთეული, სადაც კორონავირუსით ინფიცირებულთა რაოდენობა ყველაზე მეტია. ახლა ვნახოთ იმ ქვეყნების ხუთეული, სადაც გარდაცვალების პროცენტული მაჩვენებელი გლობალური მასშტაბით ყველაზე მაღალია.

ამ თვალსაზრისით პირველ ადგილზეა იემენი:

• იემენი - 29.0%
• მექსიკა - 8,5%
• სირია - 6.5%
• ეკვადორი - 6.1%
• სუდანი - 6.1%
• ეგვიპტე - 5.5%

ვნახოთ, როგორი ვითარებაა საქართველოსა და მეზობელ ქვეყნებში:

როგორც ზემოთაც აღვნიშნეთ, რუსეთში ვირუსით გარდაცვალების მაჩვენებელი 1,9%-ია. თურქეთში სიკვდილონობის მაჩვენებელი ერთ-ერთი ყველაზე დაბალია მსოფლიოში და 1,0%-ს შეადგენს. თურქეთში სულ ვირუსის 2,4 მილიონი შემთხვევაა გამოვლენილი, რომელთა შორისაც 25 073 პაციენტი გარდაიცვალა.

სომხეთში კორონავირუსით გარდაცვალების მაჩვენებელი 1,8%-ს შეადგენს. გამოვლენილია 166 036 შემთხვევა და გარდაცვლილია 3 039 ადამიანი.

აზერბაიჯანში გარდაცვალების პროცენტული მაჩვენებელი 1,3%-ია, გამოვლენილია 228 975 შემთხვევა და მათ შორის გარდაიცვალა 3 082.

რაც შეეხება საქართველოს, ჩვენს ქვეყანაში კორონვირუსით სიკვდილოანობის პროცენტული მაჩვენებელი 1,2%-ია. ბოლო მონაცემებით, საქართველოში 3 071 ადამიანი გარდაიცვალა ვირუსით, ხოლო სულ 253 816 ადამიანი დაინფიცირდა.

შენიშვნა: კვლევა გამოქვეყნებულია 24 იანვარს და შესაძლოა, მაჩვენებლები უმნიშვნელოდ იყოს შეცვლილი.

წყარო: coronavirus.jhu.edu