მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა იცვლება ახალ პარლამენტში ოპოზიციის სტატუსით შესული დეპუტატებისთვის
12:51 / 24-01-2021
ოპოზიციის სტატუსით პარლამენტში შესული დეპუტატებისთვის რეგლამენტში ცვლილებების შეტანა იგეგმება.
მომზადებულია საკანონმდებლო პროექტი, რომელიც “ინტერპრესნიუსის“ ინფორმაციით, ოპოზიციონერი წევრების კომიტეტებში თავმჯდომარის მოადგილეებად და სპიკერატში, ვიცე-სპიკერის თანამდებობაზე არჩევას ეხება. საკანონმდებლო ინიციატივა პარლამენტის ბიუროს, სავარაუდოდ, 25 იანვარს დაგეგმილ სხდომაზე წარედგინება.
ამასთან, როგორც “ინტერპრესნიუსს“ საპროცედურო საკითხთა და წესების კომიტეტის თავმჯდომარემ ირაკლი ქადაგიშვილმა განუცხადა, ფრაქციის ფორმირების წესში ცვლილებები არ იგეგმება და საპარლამენტო ფრაქციის შექმნას კვლავ არანაკლებ 7-კაციანი შემადგენლობა დასჭირდება.
“რეგლამენტში დაგეგმილი ცვლილებები პარლამენტში არსებული ვითარებიდან გამომდინარეობს, რათა ოპოზიციურ საპარლამენტო ჯგუფებს პარლამენტის საქმიანობაში აქტიურად ჩართვის შესაძლებლობა ჰქონდეთ. ცვლილებები დაკავშირებულია იმასთან, რომ მათ კომიტეტებში და სპიკერატში მონაწილეობა მიიღონ - მოხდეს მათი არჩევა კომიტეტის თავმჯდომარის მოადგილედ და ვიცე-სპიკერად“, - განმარტა ირაკლი ქადაგიშვილმა.
პარლამენტის წევრის, “ევროპელ სოციალისტ“ დავით ზილფიმიანის განცხადებით, რეგლამენტში დაგეგმილ ცვლილებებთან დაკავშირებით პირადად მან მედიით შეიტყო და ჯერ-ჯერობით უცნობია, პროექტის დამტკიცების შემთხვევაში, მათი გუნდიდან ვინ რომელ საპარლამენტო თანამდებობაზე იქნება არჩეული.
ზილფიმიანი ირწმუნება, რომ საპარლამენტო თანამდებობაზე არჩევის საკითხზე “ევროპელ სოციალისტებს“ შიდა კონსულტაციები არ ჰქონიათ.
“როდესაც ჩვენ, ოპოზიციის წარმომადგენლები პარლამენტში შევედით, გვკითხეს, თუ სად ვიქნებოდით. ლოგიკურია, პირადად მე ორ მიმართულებას ავირჩევდი - ეს არის განათლებისა და მეცნიერების კომიტეტი და საგარეო ურთიერთობათა კომიტეტი. გამოვთქვი სურვილი, რომ შემეძლო აღნიშნულ კომიტეტებიდან ერთ-ერთში თავმჯდომარის მოადგილე ვყოფილიყავი. პასუხად მივიღე, რომ თურმე რეგლამენტით ეს არ შეიძლება, რაზეც ჩემი პასუხი იყო, რომ ყოფილიყო ისე, როგორც შეიძლებოდა. პარლამენტში ოპოზიცია რომც შესულიყო, რეალურად “ნაციონალური მოძრაობის“ გარდა, ფრაქციისათვის შვიდი კაცი არავის უგროვდება და გამოდის, რომ “ქართული ოცნებისა“ და “ნაციონალური მოძრაობის“ გარდა, არავის აქვს პარლამენტში რაიმე თანამდებობის დაკავების უფლება. როგორც ჩანს, ამაზე დაფიქრდნენ და ეს არის ცვლილებების მომზადების მიზეზი, რაც ცუდი სულაც არ არის - ხომ არ შეიძლება ყველა თანამდებობა “ქართულ ოცნებას“ ეკავოს?!“, - განუცხადა “ინტერპრესნიუსს“ დავით ზილფიმიანმა.
ცნობისთვის, პარლამენტის მოქმედი რეგლამენტის თანახმად, კომიტეტის თავმჯდომარის მოადგილეების, ასევე ვიცე-სპიკერების წარდგენის უფლებამოსილება ფრაქციებს აქვს, რომელთა ფორმირებას სულ მცირე შვიდი წევრი სჭირდება.
საპარლამენტო ოპოზიციის სტატუსი მეათე მოწვევის პარლამენტში “პატრიოტთა სიით“ შესულ ოთხ დეპუტატს აქვს, რომლებმაც სადეპუტატო მანდატების აღების შემდეგ პარტია “ევროპელი სოციალისტები“ შექმნეს.
საკანონმდებლო ორგანოში შესვლას გეგმავენ პარტია “მოქალაქეების“ წარმომადგენლები ალეკო ელისაშვილი და ლევან იოსელიანი.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რომელიაცა სახელმწიფო ჩალიჩობდა თავოს ხალხი მოეყვანა მთავრობაში. ამერიკს ელჩმა არ გაუშვა.
ერთი კაცი აკლიათ და ფრაქციას შექმნიან დაეხმარეთ ვინმე!!!