27
მარტიდღის ზოგადი ასტროლოგიური პროგნოზი
ავსტრალიაში "ავტოსტოპით“ ჩასულ "ამერიკელ მტრედს“ მკაცრი კარანტინის დარღვევის გამო დაიჭერენ და მოკლავენ - არ იფიქროთ, რომ ეს ხუმრობაა, ნამდვილი ამბავია, რომლის შესახებაც BBC წერს.
მტრედს, რომელიც წყნარი ოკეანის თავზე "მოგზაურობდა“, ავსტრალიის მკაცრი საკარანტინო წესების დარღვევის გამო "შეიპყრობენ.“
გავრცელებული ინფორმაციით, ფრინველი დაიკარგა ოქტომბრის ბოლოს აშშ-ში, ორეგონის შტატში ფრინველთა რბოლის დროს. ავსტრალიის ოფიციალური პირების განცხადებით, მტრედი, რომელსაც ჯო დაარქვეს, ავსტრალიის ფრინველთა პოპულაციას საფრთხეს უქმნის. ფრინველი ჯერ არ დაუჭერიათ, თუმცა გეგმავენ, რომ ასე მოიქცნენ და შემდეგ ევთანაზიის გზით დააძინონ.
მელბურნის მკვიდრმა, კევინ სელი ბერდმა ფრინველი თავის ბაღში 26 დეკემბერს იპოვა. საუბარია მოშინაურებულ მტრედზე, რომელსაც თავისი საიდენტიფიკაციო ნიშანი ჰქონდა, აშშ-ში რეგისტრირებული იყო და "მტრედების რბოლაში“ მონაწილეობდა.
"ის საკმაოდ დასუსტებულად გამოიყურებოდა და ამიტომ ნამცეცები დავუყარე“, - ამბობს კევინი "ესოშიეითიდ პრესთან“ საუბრისას. მისივე თქმით, ინტერნეტში მოიძია ინფორმაცია მტრედის შესახებ და ნახა, რომ რეგისტრირებული იყო ალაბამაში.
მას შემდეგ, რაც "ამერიკელი მტრედის“ შესახებ ავსტრალიურმა მედიამ შეიტყო, არაერთი სტატია დაიწერა იმის შესახებ, რომ ფრინველი შესაძლოა, ვირუსის გადამტანი ყოფილიყო. ყოველივეს შემდეგ ოფიციალური პირები დაუკავშირდნენ კევინს.
"მიუხედავად მისი წარმომავლობისა, შინაური ფრინველი, რომელიც არ აკმაყოფილებს იმპორტზე ჯანდაცვის მოთხოვნებს, არ დაიშვება ავსტრალიაში“, - ამბობს სოფლის მეურნეობის დეპარტამენტის პრესსპიკერი.
გაუგებარია, თუ როგორ მოახერხა მტრედმა აშშ-ის დასავლეთ სანაპიროდან ავსტრალიის სამხრეთ ნაწილამდე ჩაღწევა, მაგრამ ოფიციალური პირების თქმით, სავარაუდოდ, ის "ავტოსტოპით“ მოგზაურობდა და დიდი ალბათობით, სატვირთო გემზე მოხვდა, შედეგად კი, ავსტრალიაში ჩაფრენა შედარებით გაუმარტივდა.
ცნობისთვის, ავსტრალიაში შინაური ცხოველებისა და ფრინველების უცხოეთიდან შეყვანაზე მკაცრი წესები მოქმედებს.
საქმე შემოლეული აქვთ
რაღატომ კლავენ? თუ დაიჭერენ გაუშვან უკან პატრონთან. ფრინველები მუდამ მოგზაურობენ ქვეყნიდან ქვეყანაში. ისე, ე.წ. ცივილიზებული ქვეყნებიდან ხშირად მოდის ხოლმე გიჟური და სასტიკი ახალი ამბები.