ნოვოსიბირსკის თეატრმა ნინო ანანიაშვილთან კონტრაქტი საბოლოოდ გაწყვიტა
ამ ცოტა ხნის წინ, ცნობილი გახდა, რომ მსოფლიოში ცნობილი ბალერინა ნინო ანანიაშვილი თბილისის ოპერისა და ბალეტის თეატრის ხელმძღვანელობის პარალელურად ნოვოსიბირსკის საბალეტო დასის ხელმძღვანელობას დათანხმდა, რასაც ჩვენში მკვეთრად უარყოფითი რეზონანსი მოჰყვა. მოგვიანებით გაირკვა, რომ რუსულმა თეატრმა პრიმა-ბალერინასთან კონტრაქტი შეაჩერა ინფორმაციის პრესაში დროზე ადრე გახმაურების გამო. ახლა კი ცნობილი ხდება, რომ ეს კონტრაქტი საბოლოოდ შეწყდა. როგორც ნოვოსიბირსკის თეატრის ვებგვერდიდან ვიგებთ, ანანიაშვილმა და თეატრის სამხატვრო ხელმძღვანელმა მოლაპარაკება უკვე გამართეს.
"ნოვოსიბირსკის თეატრის სამხატვრო ხელმძღვანელ ვლადიმირ კეხმანსა და ნინო ანანიაშვილს შორის გამართული მოლაპარაკებების შედეგად, მიღებულია გადაწყვეტილება ადრე დადებული ხელშეკრულების შეწყვეტის თაობაზე", - ვკითხულობთ განცხადებაში.
შეგახსენებთ, კონტრაქტის გადახედვა თეატრმა მას შემდეგ გადაწყვიტა, რაც მედიაში ამის თაობაზე გავრცელდა ინფორმაცია. როგორც უკვე აღვნიშნეთ, იმჟამინდელ განცხადებაში რუსული მხარე აღნიშნავდა, რომ ხელმძღვანელის სახელის გამოცხადება მისი გუნდის წინაშე ოფიციალურ წარდგენამდე, დასის უპატივცემულობა იყო.
რა ინფორმაცია აქვს თამარ გაბუნიას მულტიორგანული ანთების სინდრომით დაავადებულ ბავშვებზე - "მათ მკურნალობას სახელმწიფო დააფინანსებს"
"როცა დადებითობის მაჩვენებელი 5%-ს ჩამოცდება, შეგვიძლია საზოგადოებრივი ტრანსპორტის უსაფრთხო გახსნაზე ვისაუბროთ" - გაბუნია
