"გუშინ ლუგარის ლაბორატორიამ 55 ტესტი ჩაატარა საპატრიარქოში..." - რას ამბობს ანდრია ჯაღმაიძე პატრიარქისა და შორენა თეთრუაშვილის ჯანმრთელობის მდგომარეობაზე

საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის ინფორმაციით, სრულიად საქართველოს კათოლიკოს პატრიარქის, ილია მეორეს კორონავირუსზე ტესტი ჩაუტარდა და პასუხი უარყოფითია.

როგორც ჯაღმაიძემ ჟურნალისტებთან საუბრისას განმარტა, ამჟამად იზოლაციაში მხოლოდ პატრიარქის მდივან-რეფერატი შორენა თეთრუაშვილი იმყოფება.

,,გუშინ ლუგარის ლაბორატორიამ ტესტირება ჩაატარა საპატრიარქოში. ზოგადად, სწრაფი ტესტები კეთდება 3 დღეში ერთხელ და PCR ტესტირებაც პერიოდულად კეთდება. ჩატარდა 55 ტესტი, ყველას ტესტზე პასუხი არის უარყოფითი, მათ შორის უწმინდესის და უნეტარესის პასუხი არის უარყოფითი. ყველანი ჯანმრთელად არიან, იზოლაციაში იმყოფება მხოლოდ ქალბატონი შორენა თეთრუაშვილი“, - აღნიშნა ანდრია ჯაღმაიძემ.

• ამირან გამყრელიძე პატრიარქთან დაკავშირებით კომენტარს აკეთებს