მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ქალმა თავისი ადგილი უნდა იცოდეს!" - კადიროვის იდეოლოგია, რომლის დაცვასა და და შესრულებას ჩეჩნეთში ასობით ქალის სიცოცხლე ემსხვერპლა
18:09 / 09-01-2021
ჩრდილოეთ კავკასიაში ქალების უფლებების დაცვის მხრივ ვითარება ბოლო ხანებში ძალიან გამწვავდა. "როგორ ამცირებენ კადიროვცები ქალებს" – ამ სათაურით ეხმაურება რუსული მედია ამბებს, რომელიც ბოლო დროს იქ "დრესკოდთან" დაკავშირებით ხდება.
"ქალმა თავისი ადგილი უნდა იცოდეს" - ეს არის იდეოლოგია, რომლის დაცვასა და და შესრულებას იქ ასობით ქალის სიცოცხლე ემსხვერპლა.
დავიფაროთ თავი და არა სახე - ასეთია კადიროვისა და მისი გუნდის მიდგომა ჰიჯაბ-ნიქაბის ტარებასთან დაკავშირებით. რამდენიმე წლის წინ, რამზან კადიროვის ინიციატივით, ჩეჩენი სტუდენტი გოგონების წასახალისებლად, ისინი, ვინც ჰიჯაბს საკუთარი სურვილით ატარებდა, 1000 დოლარით დასაჩუქრდებოდა. სულ მალე, კადიროვმა გამოსცა განკარგულება, რომლის ფარგლებშიც, ყველა ქალი ქუჩაში, სამსახურსა და სხვა საზოგადოებრივი თავშეყრის ადგილას, თავწაკრული უნდა ყოფილიყო.
"ეს ჩეჩნური ტრადიციაა, რომელიც ყველა ქალმა უნდა შეასრულოს, რათა ტრადიცია არ დაიკარგოს" - აცხადებდა კადიროვი, თუმცა უკიდურესი ზეწოლისა და სასტიკი დამოკიდებულების კვალდაკვალ, ქალები თავიანთი უფლებების დაცვას ცდილობდნენ და ხმამაღლა აცხადებდნენ, რომ თავწაკრული სიარული სისულელეა.
მათ უფლებადამცველებიც მხარს უჭერდნენ, თუმცა "კადიროვცები" არც მათ ინდობდნენ. სავარაუდოდ, ამ საქმეს შეეწირა ერთ-ერთი მათგანი ნატალია ესტემიროვა. იგი დიდი ალბათობით კადიროვთან დაპირისპირებას გადააყოლეს. ესტემიროვამ, ერთ-ერთ ფედერალურ ტელევიზიაში, ქალებისთვის თავზე წაკვრის უაზრობასა და ისლამური რევოლუციაზე ისაუბრა, რის შემდეგაც, მალევე მოკლეს.
უფლებამცველთა ცენტრი "მემორიალი", novayagazeta.ru-ს პუბლიკაციებში მუდმივად საუბრობს რეგიონში ქალების წინააღმდეგ განხორციელებულ ძალადობაზე. ამის მაგალითი იყო, შარშან ქალაქ გუდერმესში მომხდარი ტრაგედია, როდესაც ჩეჩენ პოლიციის თანამშრომელს, თავისი ცოლი, სამი შვილის დედა, 23 წლის მადინა უმაევა ცემის დროს შემოაკვდა...
მაშინ, ქალის უეცარ სიკვდილსა და ღამე დამარხვას, ადგილობრივებში ფართო რეზონანსი მოჰყვა. ჩეჩნეთში ეჭვობდნენ, რომ მადინა ძალადობის მსხვერპლი გახდა და შესაძლოა, ცოცხლადაც დამარხეს. ახალგაზრდა ქალი, დედისგან ნაჩუქარი ფულით შვილებისთვის ნაყიდი ტანსაცმლისა და ტელევიზორის ამბავს შეეწირა... მაშინ გოგონას დედამ მომხდარი ხამამაღლა გააპროტესტა და შვილზე ძალადობაში სიძე დაადანაშაულა, თუმცა შემდეგ მას "კადიროვცები" დაუკავშირდნდნენ, მოკლული ქალის დედამ, ბოდიში მოიხადა და ყველაფერი ემოციურ ფონს დააბრალა.
ჩეჩნეთსა და დანარჩენ ჩრდილო კავკასიაში, უმრავი მსგავსი საქმის მოყოლა შეიძლება... ბოლო წლებში, ქუჩაში თავშიშველი ქალის დანახვას, ადგილობრივი მამაკაცები აგრესიით ხვდებოდნენ და ხშირად "მოურიდებელი ჩაცმისთვის" უცნობებს თავს ესხმოდნენ.
"ვიღაცამ თავში ჯოხი გამატებით ჩამარტყა და კედელს მიმახეთქა. ისეთი ძლიერი ტკივილი ვიგრძენი, მთელი სხეული მტკიოდა, მაგრამ გონება არ დამიკარგავს, უცებ, რაღაც ცივი სითხე შემეხო, დავინახე, რომ მთელ სხეულზე მწვანე საღებავი გადმომასხეს... ამას მამაკაცების ხმამაღალი სიცილი მოჰყვა, რომლებიც, სავრაუდოდ, მანქანაში ისხდნენ, მხედველობა დავძაბე, რომ კარგად დამენახა - კადიროვცებივით შავები ეცვათ. ძირს დაგდებულს, სისხლიანსა და ცოცხალ-მკვდარს მომაძახეს, რომ ყველა ჯიუტ და ტრადიციების დამრღვევ ქალს ასე დაემართებოდა" - ჰყვება ერთ-ერთი დაზარალებული.
"ჰიჯაბი ჩვენი ნაციონალური სამოსი არ არის, ჩვენი გოგონები გრძელ თავშალს ატარებდნენ, თუმცა სახე არასდროს იყო ახვეული, ახლა კი, რატომღაც მაინც გვაიძულებენ ისიც ვატაროთ და ვინც უარს ამბობს, დაუნდობლად უსწორდებიან. ეს ერთი კაცის ხუშტურია, რომელიც შემდეგ, დანარჩენმა რესპუბლიკებმაც აიტაცეს. ამის გაპროტესტების გამო, არაერთი ჩემი ახლობელი გაიტაცეს ძალოვნებმა, ჩაკეტეს, ფიზიკურად გაუსწორდნენ, მის ოჯახს კი უთხრეს, რომ დაკავებული "ვაჰაბისტი", შაითანი იყო და სადღაც უგზო-უკვლოდ გადაკარგეს..." - ასეთ აღწერდა ვითარებას ერთ-ერთი გოგონა kavkaz-uzel.eu-სთან საუბარში.
"მე არ ვემხრობი ნიქაბის ტარებას, მას ჩემს ოჯახში არავინ ატარებდა" – აბობს ჩეჩენი დისიდენტი, რამზან კადიროვი მოწინააღმდეგე ტუმსო აბდურახმანოვი, რომლის თქმითაც, რაც დროს გადის, ჩეჩნეთში (და არა მხოლოდ) ქალებზე ძალადობა ყოველდღიურ სახეს იღებს, რადგან ადგილობრივი ლიდერი პოზიცია ასეთია - "ქალმა თავისი ადგილი უნდა იცოდეს".
ამის დასტური იყო, რამდენიმე დღის წინ, ჩეჩნეთის მუფტების მიმართვა ადგიობრივი ქალების მიმართ, რომ ქალმა უნდა ატაროს ნიქაბი, როგორც თავსაბურავი, რათა მთელი სახე, თვალების გარდა ახვეული ჰქონდეს. ეს კი, ჩრდილოეთ კავკასიაში ქალების მიმართ პოლიტიკას განსაზღვრავს.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვაიმეეე, არადა რუსეთის შემადგენლობაში არიან. და პუტინი ქრისტიანობაზე დებს თავს
ჩვენ არა ვართ რუსეთის შემადგენლობაში და რამდენი უბედურება მოხდა ქალის ძალადობის ნიშნით.
არც ულტრათანამედროვეობის მომხრე ვარ , მაგრამ ქალის მიმართ დამოკიდებულება ხშირად არის ფეოდალური ეპოქიდან მოსული ისევ.