მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჯეიმს ბონდის გოგონა“, რომელიც გარდაცვლილად გამოაცხადეს, ცოცხალი აღმოჩნდა, თუმცა მისი ჯანმრთელობის მდგომარეობა მძიმეა
09:57 / 05-01-2021
გუშინ მედიაში გავრცელდა ინფორმაცია იმის შესახებ, რომ ამერიკელი მსახიობი ტანია რობერთსი 65 წლის ასაკში გარდაიცვალა. ამის შესახებ წერდნენ გავლენიანი და სანდო გამოცემები, მათ შორის BBC-ი.
როგორც აღმოჩნდა, რობერთსი ცოცხალია, თუმცა მისი ჯანმრთელობის მდგომარეობა მძიმეა. აღნიშნულზე BBC მსახიობის წარმომადგენელზე დაყრდნობით წერს.
როგორც გამოცემა აღნიშნავს, მისი გარდაცვალების შესახებ ცნობა შეცდომით გავრცელდა, თუმცა საგულისხმოა, რომ ინფორმაციას მსახიობის უახლოესი ადამიანები ადასტურებდნენ.
ჟურნალისტებს მსახიობის გარდაცვალების შესახებ ინფორმაცია ტანია რობერთსის უახლოესმა მეგობარმა და წარმოამდგენელმა, მაიკ პინგელმა მიაწოდა, რომელიც ახლა ამბობს, რომ ეს შეცდომით გააკეთა და რომ ტანიას გარდაცვლაების შესახებ ცნობა მან თავისი პარტნიორისგან მიიღო, ხოლო როცა მოგვიანებით კლინიკაში დარეკა, გაარკვია, რომ ტანია ცოცხალი იყო. მისივე თქმით, რობერთსის ჯანმრთელობის მდგომარეობა მძიმეა და ის ინტენსიური თერაპიის განყოფილებაში იმყოფება.
ტანია რობერთსმა 24 დეკემბერს, იმ დროს, როდესაც ძაღლებს ასეირნებდა, გონება დაკარგა, ის ლოს ანჯელესის კლინიკაში გადაიყვანეს.
ტანია ცნობილია ჯეიმს ბონდის შესახებ გადაღებულ ფილმ A View to a Kill-ში შესრულებული სტეისი სატონის როლით. ეს მისი კარიერის მთავარი ფილმია, რომელიც ეკრანზე 1985 წელს გამოვიდა.
მიუხედავად გლობალური მასშტაბის ყურადღებისა, რომელიც ბონდიანას ფილმს მოჰყვა, ამ როლს არ მოჰყოლია კამილას სამსახიობო კარიერის აღმასვლა, ისეთი, როგორსაც თავად იმედოვნებდა.
ტანია რობერთსი დაქორწინებული იყო ბარი რობერთსზე, წყვილმა 1974 წელს იქორწინა, 2006 წელს ბარი გარდაიცვალა. მათ შვილები არ ჰყოლიათ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პიარი ოხერი რამაა