მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"როგორც ჩანს, რუსულ მხარეს რაღაც ჩანაფიქრი აქვს, რადგან მომლაპარაკებლის რანგი ასწია" - როგორ აფასებენ ქართველი ექსპერტები პუტინის ახალ გადაწყვეტილებას
16:21 / 04-01-2021
ქართულ მხარეს არ აქვს მანევრის საშუალება და უფლება, რომ მხოლოდ დარჩენილ საზღვრის მონაკვეთებზე ელაპარაკოს რუსეთს, - ამის შესახებ პოლიტოლოგმა მამუკა არეშიძემ "ინტერპრესნიუსთან" საუბრისას განაცხადა, რითაც გამოეხმაურა მედიაში გავრცელებულ ინფორმაციას, რომ ვლადიმერ პუტინის სპეციალურ წარმომადგენელს საქართველოსთან და საქართველოს ოკუპირებულ ტერიტორიებთან საზღვრის დელიმიტაციისა და დემარკაციის პასუხისმგებლობა დაევალა.
მისივე თქმით, აღნიშნულ საკითხზე საქართველოს საგარეო საქმეთა სამინისტროს მიერ გავრცელებულ განცხადებაში ქართული მხარე მთავარ აქცენტს ოკუპირებულ ტერიტორიებთან ნებისმიერი სასაზღვრო მოლაპარაკებების მიუღებლობაზე აკეთებს და ამ ეტაპზე აღნიშნული განცხადება სრულიად საკმარისია.
„თავისთავად ის, რომ რუსულმა მხარემ როგორც იქნა მოინდომა საზღვრის საკითხებზე ლაპარაკი ერთი შეხედვით ეს ქართული მხარისთვის უნდა იყოს საინტერესო იმიტომ, რომ წლებია, 2008 წლამდე განსაკუთრებით, ქართულმა მხარემ ვერანაირად ვერ მოახერხა რუსული მხარე დაესვა მოლაპარაკებების მაგიდაზე საზღვრის დემარკაცია-დელიმიტაციასთან დაკავშირებით და აქედან გამომდინარე რუსული მხარე არღვევდა რა 1991 წლის შეთანხმებას, რომელიც გულისხმობს საბჭოთა კავშირის რესპუბლიკებს შორის ადმინისტრაციული საზღვრები ყოფილიყო სახელმწიფო საზღვარი და დელიმიტაცია-დემარკაცია ვერაფრით ვერ შედგა. აქედან გამომდინარე, რასაც უნდა იმას აკეთებდა რუსეთი საქართველოს საზღვარზე და უამრავი ტერიტორია მიიტაცა. და ერთი შეხედვით, როგორც იქნა რუსულმა მხარემ თვითონ მოინდომა ამ საზღვარზე ლაპარაკი, მაგრამ აქ ჩადო, რასაკვირველია, მზაკვრული გეგმა იმასთან დაკავშირებით, რომ საქართველოს საზღვარზე დაველაპარაკებით მხოლოდ იმ შემთხვევაში თუ ხელს არ შეგვიშლიან, რომ ველაპარაკოთ ე.წ. სამხრეთ ოსეთს და აფხაზეთს იგივე თემაზე.
ასე რომ, საქართველო აღმოჩნდა მდგომარეობაში როცა ერთის მხრივ, საქართველოს საზღვარზე საუბარი საინტერესოა, მნიშვნელოვანია, აუცილებელია, მაგრამ მეორეს მხრივ გამოდის, რომ საქართველოს მხარე ირიბად თანხმდება, რომ ეს ორი რეგიონი არის დამოუკიდებელი სახელმწიფო. ამიტომ, რასაკვირველია, ქართულ მხარეს არ აქვს მანევრის საშუალება და უფლება არ აქვს, რომ მხოლოდ დარჩენილ საზღვრის მონაკვეთებზე ელაპარაკოს რუსეთს, უბრალოდ, ქართული მხარე არ ამბობს პირდაპირ თავის განცხადებაში ამას, რომ ის თანახმა იქნებოდა საზღვრის დემარკაცია/დელიმიტაციის საკითხზე მოლაპარაკებების დაწყების ოღონდ იგულისხმება აფხაზეთის და სამხრეთ ოსეთის საზღვრის მონაკვეთებიც, ოღონდ საქართველოს იურისდიქციიდან გამომდინარე. საქართველოს მხარე აკეთებს მთავარ აქცენტს ოკუპირებულ ტერიტორიებთან ნებისმიერი სასაზღვრო მოლაპარაკებების მიუღებლობაზე. ამ ეტაპზე საქართველოს საგარეო საქმეთა სამინისტროს მიერ გავრცელებული განცხადება სრულიად საკმარისია.
როგორც ჩანს, რუსულ მხარეს რაღაც ახალი ჩანაფიქრი აქვს, რადგან მომლაპარაკებლის რანგი ასწია და გამოდის, რომ აქ მინისტრის მოადგილე კი არ იწყებს მოლაპარაკებას ქართულ მხარესთან ან რომელიმე სუბიექტთან პოსტსაბჭოთა სივრცისა, არამედ აგერ მთლად პრეზიდეტის წარმომადგენელი, მაგრამ მიუხედავად ამ რანგისა სიტუაცია არ იცვლება”, - განაცხადა მამუკა არეშიძემ.
ექსპერტ ზურაბ ბატიაშვილის შეფასებით კი, რუსეთი აგრძელებს ოკუპაციის პოლიტიკას და ცდილობს ცალმხრივად განახორციელოს დემარკაცია.
მისივე თქმით, რუსეთის ყველანაირი ქმედება, სანამ საქართველოს ტერიტორიები ოკუპირებულია, არის უკანონო და სწორედ ამიტომ, საქართველოს მხრიდან მაქსიმალური აქტიურობაა საჭირო.
“ცხადია, რომ რუსეთი აგრძელებს თავის ოკუპაციის პოლიტიკას საქართველოს მიმართ. ისიც ცხადია, რომ როგორც ჩანს, ის ცალმხრივად ცდილობს ამ დემარკაციის განხორციელებას, თუმცა ყველანაირი მათი ქმედება, სანამ საქართველოს ტერიტორიები ოკუპირებულია, არის უკანონო და საქართველომ რაც შეიძლება ხმამაღლა უნდა გაიტანოს ეს საკითხი საერთაშორისო არენაზე. რეალურად ეს არის ის, რაც დღეს საქართველომ უნდა გააკეთოს. დასავლეთში, შეერთებულ შტატებში ხელისუფლების გადაბარების პროცესი მიმდინარეობს, ევროპაში კი პანდემიით გამოწვეული პრობლემებია, ამიტომ ამ საკითხს საერთაშორისო არენაზე დიდი გამოხმაურება არ მოჰყვება და ნომერი პირველი საკითხი, რა თქმა უნდა, ვერ იქნება, მაგრამ საქართველოს მხრიდან მაქსიმალური აქტიურობაა საჭირო”, - განაცხადა ზურაბ ბატიაშვილმა.
პარლამენტის საგარეო ურთიერთობათა კომიტეტის თავმჯდომარის ნიკოლოზ სამხარაძის შეფასებით, რუსეთთან ვერავითარი საზღვრის დადგენა ვერ მოხდება, სანამ მოსკოვს აფხაზეთი და ცხინვალი აქვს ოკუპირებული. მან რუსეთის პრეზიდენტის მიერ დსთ-ს ქვეყნებთან სახელმწიფო საზღვრების დემარკაციის საკითხებში ახალი სპეციალური წარმომადგენლის დანიშვნა შეაფასა და აღნიშნა, რომ ქართული მხარე რუსეთის ქმედებებს საერთაშორისო საზოგადოების მხარდაჭერას უპირისპირებს.
"ეს არ არის ახალი ამბავი. უბრალოდ ადამიანის ცვლილებაა. კერძოდ, ეს კომისია მანამდეც არსებობდა და ახლა უბრალოდ წარმომადგენელი შეიცვალა. ჩვენი პოზიცია ძალიან მყარია, ეს არის ის, რომ რუსეთის ფედერაციასთან არანაირი საზღვრების დადგენა არ მოხდება, სანამ რუსეთს აფხაზეთისა და ცხინვალის რეგიონი აქვს ოკუპირებული. საერთაშორისო საზოგადოებაში არავინ აღიარებს ფიქტიური საზღვრების დადგენას. ამ შემთხვევაში, საერთაშორისო სამართალი ჩვენს მხარეს არის. ერთადერთი, რასაც რუსეთს ვუპირისპირებთ, ეს არის საერთაშორისო საზოგადოების მობილიზება და საერთაშორისო სამართლის პრინციპების მხარდაჭერა. სამწუხაროდ, სხვა ბერკეტი 2008 წლის ომის შემდეგ აღარ გვაქვს. ეს არის ჩვეულებრივი საკადრო ცვლილება, ამიტომ მე აქედან დიდ ამბავს არ შევქმნიდი. რუსეთს საზღვრების დადგენა 2008 წლის ომის შემდეგ უნდა", - განაცხადა სამხარაძემ.
ცნობისთვის, მედიის ინფორმაციით, ვლადიმერ პუტინის სპეციალურ წარმომადგენელს საქართველოსთან და საქართველოს ოკუპირებულ ტერიტორიებთან საზღვრის დელიმიტაციისა და დემარკაციის პასუხისმგებლობა დაევალა. ამასთან დაკავშირებით, საქართველოს საგარეო საქმეთა სამინისტროს პრესისა და ინფორმაციის დეპარტამენტმა გაავრცელა განცხადება, სადაც ნათქვამია, რომ მოსკოვის მიერ სოხუმისა და ცხინვალის საოკუპაციო რეჟიმებთან დადებული ნებისმიერი შეთანხმება, მათ შორის, ე.წ. "საზღვრის" საკითხებზე იქნება უკანონო და ვერ წარმოშობს რაიმე სამართლებრივ შედეგს და საქართველოსა და რუსეთის ფედერაციას შორის სახელმწიფო საზღვრის დელიმიტაცია-დემარკაციის საკითხი დღის წესრიგში ვერ დადგება მანამ, სანამ რუსეთი აფხაზეთის და ცხინვალის რეგიონის დეოკუპაციას არ მოახდენს.
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უკრაინაზე რომ ისაუბრა პუტინმა და ლენინის მიერ შექმნილ ქვეყნად გამოაცხადა----საქართველოზე ხომ ვერ იტყვის იგივეს? ჩვენს ქვეყანას რუსეთის არსებობამდე ჰქონდა შექმნილი იმპერია, მაგრამ ჩვენც ვერაგულად მოგვექცა. კოსოვოს ა ღ ი ა რ ე ბ ა დაუჯდა ძვირი საქართველოს , უკრაინას, ევროპას და ამერიკას! ერთ სიგლახეს ათასი სიგლახე მოყვა. ჰიტლერისდროინდელი პოლიტიკა კვლავ ძალაშია. კოსოვოდან მოყოლებული,- დასავლეთი ცვედანის როლშია სულ!. მათ მიერ სერბეთის წინააღმდეგ განხორციელებულმა მზაკვრობამ ---უდანაშაულო უკრაინისა და საქართველოს დანაწევრება გამოიწვია. ცვედანი, ცვედანია, მისგან სიმტკიცეს ნუ ელის ნურავინ, მათ რუსეთი სჭირდებათ, სიტყვიერად კი გალანძღავენ, მაგრამ მაინც ს უ ლ ანგარიშგასაწევი ძალა იქნება იგი მათთვის !. პუტინზე ძლიერი ლიდერი სანამ არ გამოჩნდება,(ალბათ ჩ ი ნ ე თ ი) მანამდე ვიქნებით ასე, ცვედანების ხელში და მათი შემყურე რა კარგს უნდა ველოდოთ!?
რამდენ ხანს იქნებით მათხოვრების რანგში, არ გინდათ და ნუ გინდათ... მოვა დრო და თვითონვე მუხლმოდრეკით ეახლებით რუსეთს, არ იყო თუ? გაიხსენეთ ისტორია. რაც შეეხება გზავნილებს რუსეთის მიმართულებით, 16-ში გაგზავნილი საახალწლო გზავნილები დღესაც ლარსის გამშვებ პუნქტშია გაჩერებული,საქართველოში ვერ მოიძებნა ერთი ადამიანი რომელიც მოლაპარაკებას გამართავდა მაგრამ არავის არ აინტერესებს საზღვარგარეთ მყოფი თანამემამულეთა ბედი. თვითონ ხომ არიან მაძღრად. დამპალ და გაფუჭებულ ნაგავს ჩაუტანენ ვინც იქ ელოდებოდა საახალწლოდ გზავნილებს.